Erlendar mæðgur hafa verið úrskurðaðar í gæsluvarðhald vegna ætlaðs smygls á kókaíni til landsins fyrr í þessum mánuði.
Mæðgurnar lentu á Keflavíkurflugvelli en þær voru að koma frá Belgíu. Við skoðun Tollgæslu á Keflavíkurflugvelli kom í ljós að þær væru með um 500 grömm af kókaíni innvortis. Önnur með sex pakkningar og hin með fimm.
Lögreglan á Suðurnesjum tók í kjölfarið við málinu og handtók mæðgurnar.
Frekari upplýsingar liggja ekki fyrir að svo stöddu.
