Lögreglan á Vestfjörðum sagði frá því í dag að verið væri að meta aðstæður fyrir ofan byggðina á Suðureyri við Súgandafjörð. Hefur hið mikla vatnsveður sem borið hefur niður á Vestfirðinga í dag aukið hættuna á aur- og grjóthruni úr bröttum hlíðum vestfirskra fjalla. Ekki hefur þótt ástæða til að rýma hús, en Rauði krossinn hefur þó opnað móttöku fyrir þá sem vilja ekki dvelja í húsum sínum.
Samkvæmt þeim athugunum er ekki talin mikil hætta á mannskæðum aurskriðum eða grjóthruni. Hins vegar eru íbúar hvattir til að fara varlega og að öllu með gát.
Veðurstofan hefur einkum verið að horfa á hús nr. 7 og 9 við Hjallabyggð og hús nr. 10, 12 og 14 við Túngötu.
Ekki er talin ástæða til að rýma þessi hús en ef íbúar vilja fara úr þeim meðan þetta ástand varir hefur RKÍ opnað móttöku í veitingastaðnum Fissermann, við Aðalgötu 14-16 á Suðureyri. Og þangað er öllum íbúum þessara húsa, sem og öðrum íbúum, velkomið að koma og dvelja.
Á Facebook síðu Ísafjarðarbæjar kemur enn fremur fram að sundlauginni á Suðureyri hafi verið lokað vegna vatnstjóns, en ekki frekari upplýsingar gefnar.
Veðurstofan gerir ráð fyrir að fljótlega uppúr hádegi fari að draga verulega úr úrkomu, þó er appelsínugul viðvörun
