Um tíuleytið í gærkvöld barst lögreglu tilkynning um alvarlega líkamsrárás í hverfi 108 í Reykjavík. Þolandi var fluttur á spítala með sjúkrabíl en meintur gerandi var handtekinn á vettvangi og vistaður í fangageymslu fyrir rannsókn málsins.

Þetta kemur fram í dagbók Lögreglunnar á höfuðborgarsvæðinu. Þar kemur einnig fram að um tvöleytið í nótt var kona handtekin í Hafnarfirði grunuð um líkamsárás. Var hún færð til vistunar á lögreglustöð í þágu rannsóknar málsins.

Laust fyrir miðnætti í gærkvöld varð árekstur í hverfi 109 og tjón á fjórum bílum. Ekki urðu slys á fólki en talsverðar skemmdir á bílunum. Loka þurfi fyrir umferð á vettvangi í smá stund vegna vinnu á vettvangi og kalla þurfi á dráttarbíla til fjarlægja þrjá bíla.