Ljóst er fjöldi karla er æfur yfir áætlunum Íslandsbanka um að hætta viðskiptum við þá fjölmiðla sem ekki standast tiltekin skilyrði sem snúa að kynjahlutföllum. Víða á alnetinu má sjá því fleygt fram að bankinn sé kominn í stríð við karlmenn. Óhætt er að segja að frétt Vísis um þetta hafi vakið viðbrögð. Það var Edda Hermannsdóttir, markaðs- og samskiptastjóri Íslandsbanka, sem kynnti þessa stefnu.
Sjá einnig: Elliði fordæmir hræsni Íslandsbanka vegna kynjahlutfallsins – „Hér er langt seilst í baráttunni“
Í hinum alræmda Facebook-hópi Karlmennskuspjallið eru menn uggandi yfir þessu. Arnar Loftsson, sem er mjög virkur þar, kallar eftir því að karlar hætti viðskiptum við Íslandsbanka. „Íslandsbanki ætlar að setja viðskiptabann á fyrirtæki sem eru of „karllæg“??? Karlar…setjum viðskiptabann á Íslandsbanka… Þetta er eins og Klerkastjórnin í Íran með öfugum formerkjum. Líðum ekki svona öfgaaðferðir í lýðræðisþjóðfélagi,“ skrifar Arnar og fékk færslan góðar undirtektir.
Í annarri færslu á Karlmennskuspjallinu skrifar Arnar: „Hversu geðveikt er þetta? Á hvaða stað er Ísland komið í rétttrúnaði Ný Marxistana?!! Hvað um ef við karlar settum viðskiptabann á Íslandsbanka? Hættum viðskiptum við þennan banka? Hann færi fljótt í þrot…..við lifum klárlega í mæðraveldi,“ segir Arnar.
Skúli nokkur skrifar athugasemd og segir: „En kvenlæga miðla? Hvort er verið að berjast fyrir svokölluðu jafnrétti eða kvenforréttindum? Mannlíf? Bændablaðið? Menn.is? Bleikt.is? Glamour.is? Veiðiblaðið? Veiðiflugublaðið? Tíska.is? Öll þessi prjónablöð og tískublöð? Væntanlega allt fjölmiðlar sem beinast meira að öðru kyninu en hinu?“
Aron nokkur telur að þetta framtak Íslandsbanka endi illa fyrir bankann. „Sem betur fer hafa stór fyrirtæki sem byrja á svona rugli fengið þetta beint upp í rassgatið á sér aftur, þá vitna ég bara í Gillett frá því í sumar.“
Í athugasemdum við frétt Vísis eru menn jafnframt harðorða um þetta. „Ég hélt að þetta væri grínfrétt frá gys.is – Nei þetta er alvara – Væntanlega mun Íslandsbanki banna sínu starfsfólki að horfa á karlafótbolta, skák klárlega bannfærð, því þar eru jú 95% þátttakenda á mótum karlmenn. Dellan nær nýjum hæðum,“ skrifar Kristjón Benediktsson þar.
Guðbjörn Guðbjörnsson, stjórnsýslufræðingur, yfirtollvörður og söngvari, veltir fyrir sér hvort bankaþjónusta verði nú kynjaskipt. „Ríkisbanki í eigu íslensks almennings (bæði karlar og konur) sem berst gegn körlum. Ég hætti í fyrra hjá Íslandsbanka eftir 40 ára viðskipti allt frá Verzlunarbankanum í Bankastræti. Ástæðan var ókurteisi og léleg þjónusta hjá nokkrum starfsmönnum, ekki öllum. Ég er þá kominn til Landsbanka Íslands, sem er þá líklega karlabanki ríkisins. Kannski er ágætt að hafa bankaþjónustu kynjaskipta. Því má bæta við að ég er alsæll hjá Landsbankanum og fæ þar betri þjónustu og viðmót en ég nokkru sinni fékk hjá Íslandsbanka,“ skrifar Guðbjörn.
Skúli nokkur segir þessa stefnu einfaldlega sjúka. „Sjúkasta sem ég hef lesið í dágóðan tíma. Nú er að finna nýjan banka,“ skrifar hann. Friðgeir Sveinsson, sem hefur verið áberandi í samhengi við DaddyToo, skrifar svo: „Þetta er gott merki um það hversu rosalega bernglað samfélag ísland er í dag. Þessi karlhatursbilun er kominn inní markaðsstefnu ríkisbanka. Heimskan uppmáluð.“
Á Twitter er þó viðbrögðin við fréttinni allt önnur, þar er fyrst og fremst gert grín af þeim mönnum sem eru æfir. Hér fyrir neðan má sjá nokkur dæmi um það. Það er að segja fyrir utan fyrsta tístið.
Þessar aðgerðir eiga ekkert skylt við jafnrétti, heldur þvert á móti. Að bankinn ætli að sniðganga viðskipti við þá sem ekki samræmast þessum sjónarmiðum er svo veruleikafirrt að það nær engri átt. https://t.co/wso6peSVPb
— Lovísa Líf Jónsdóttir (@lovisalifjonsd) October 24, 2019
Ég: Ríkið á ekki að vera að stýra því hvort að karlar eða konur séu í vinnu eða stjórn eða hvað ? Markaðurinn sér um þetta.
Fyrirtæki: Við ætlum ekki að versla við gaurafyrirtæki.
Ég: Ok þið virðist hafa misskilið. Það sem ég meina er að ég hata konur.
— Pétur M. Urbancic (@PeturMarteinn) October 24, 2019
Heimsyfirráð kvenna eru tímaspursmál. Plís ekki henda mér í gúlagið samt. Ég kann að elda og er frekar góður í að opna krukkur. Fús til að læra sólpallasmíði og bílaviðgerðir gegn því að mér verði þyrmt. pic.twitter.com/fwRPMqLl2p
— Haukur Viðar (@hvalfredsson) October 24, 2019
Ok, er þetta ekki aðeins of langt gengið? pic.twitter.com/Ok0O0LhgXQ
— Birna Anna (@birnaanna) October 24, 2019
Afhverju lét mig enginn vita að stríðið gegn karlmönnum væri að hefjast í dag? Er nú þegar viðskiptavinur Íslandsbanka þannig að ég er ágætlega undirbúin samt.
— Inga? (@irg19) October 24, 2019
Var að svara facebook færslu hjá einum sem var að urlast yfir stefnu Íslandsbanka, sé strax eftir því. Send help.
— Inga? (@irg19) October 24, 2019
"Ríkisbanki í eigu íslensks almennings (bæði karlar og konur) sem berst gegn körlum." 37 like.
Hvernig er hægt að draga þá ályktun að það að berjast fyrir auknu jafnrétti þýði að barist sé *gegn* körlum?https://t.co/q9uBnkD09p
— Þórhildur Fjóla Stefánsdóttir (@TotaStefans) October 24, 2019
Jafnrétti kynjanna=misrétti gagnvart körlum.
Þeir búnir að borga menntunina okkar í ofan á lag og þetta eru þakkirnar? pic.twitter.com/Kp5FXzrStC— Ragnheiður Kristín (@heidafinnboga) October 24, 2019
hvar varst ÞÚ daginn sem ÍSLANDSBANKI hóf ÞJÓÐARMORÐ á KARLKYNINU
— beta vulgaris (@jtebasile) October 24, 2019
Vondur dagur fyrir fólk sem segist alltaf styðja frelsi í viðskiptum en þolir ekki að því frelsi sé beitt til þess að stuðla að jafnrétti. Áfram Íslandsbanki, vel gert.
— Tómas Ingi Adolfsson (@tomasingiad) October 24, 2019
Svo fyndó að sjá eðlilegan kapítalisma kallaðan bönn og viðskiptaþvinganir. Fólk og fyrirtæki ráða hvar þau versla/stunda viðskipti. Um það snýst kapítalismi. Ef þú færð ekki viðskipti þá gerir þú bara betur.
— Birna Anna (@birnaanna) October 24, 2019
