10 börn hafa greinst með bakteríuna og eru þau á aldrinum 5 mánaða til 12 ára. Eitt þeirra liggur inni á Barnaspítala Hringsins. RÚV greindi frá þessu í kvöldfréttum
Talið er að smitin komi öll af sama stað sem er í uppsveitum Árnessýslu en ekki er hægt að gefa upp nafn staðsins eins og staðan er.
Katrín Guðjónsdóttir, staðgengill forstöðumanns neytendaverndar MAST, sagði í samtali við RÚV að það sé búið að grípa til ráðstafanna.
„Það er búið að taka sýni, bæði af matvælum og dýrasaur og það er bara verið að vinna að fá niðurstöður úr því. Heilbrigðiseftirlit Suðurlands hefur gripið til ráðstafanna og staðurinn í varúðarskyni.“
Bláskógarbyggð greindi frá því á Facebook-síðu sinni að vatnsból sveitarfélagsins séu reglulega rannsökuð.
https://www.facebook.com/blaskogabyggd/posts/677952459296983
Ekki er þó talið að bakterían hafi borist með drykkjarvatni heldur frekar með matvælum eða beinni snertingu við smituð dýr.
Einkenni sýkingar geta komið fram eftir 1-2 daga og geta þau verið allt frá vægum vatnskenndum niðurgangi í alvarlegan blóðugan niðurgang með magakrömpum og hugsanlega uppköstum. Venjulega fylgir enginn hiti sýkingum eða lítill hiti.
Veikindin vara oftast í 5-10 daga hjá heilsuhraustum einstaklingum, en hjá eldra fólki og börnum undir 5 ára getur sýkingin verið alvarlegri.
Í þeim tilfellum geta komið nýrnaskaðar eða skaðar á taugakerfinu. Sumir einstaklingar bera þessar bakteríur í sér án þess að fá nokkur sjúkdómseinkenni.
Dæmi eru um að sýkingar af völdum bakteríunnar hafi valið bráðri nýrnabilun sem leiddi til dauða.
