Hinn þekkti leiklistargagnrýnandi Jón Viðar Jónsson gefur lítið fyrir atriði Hatara á Eurovision sem svo margir hafa hrifist af og lenti í 10. sæti í keppninni, eins og flestir vita. Jón Viðar er þekktur fyrir að synda gegn straumnum og skoðanir sínar segir hann jafnan umbúðalaust. Jón Viðar segir að atriði Hatara hafi tónlistarlega séð hvorki verið fugl né fiskur og hann hafi gjörsamlega verið búinn að fá nóg eftir að hafa horft á það einu sinni. Stuttur pistill hans um Hatara er eftirfarandi:

„Ég verð að segja að mér finnst sumir ofmeta mjög hið margumrædda atriði Hatara, ma í pistlum hér á FB. Einn ágætur vinur minn fer með himinskautum við góðar undirtektir fylgjenda og helst á honum að skilja að þetta númer (sem ég held sé skásta orðið yfir það) jafnist að skáldlegu gildi á við sjálfa Ástríði Lindgren og Biblíuna. Það er fjarri öllu lagi. Tónlistarlega var þetta hvorki fugl né fiskur og maður hafði fengið nóg – meiren nóg – þegar maður hafði horft upp á atganginn a sviðinu einu sinni. Þegar menn segja að þeim hafi fundist til um þetta kemur mér í hug (eina ferðina enn) sagan um keisarann og nýju fötin hans. Mér þykir það leitt, en þannig er það nú bara.“

Eins og nærri má geta eru skiptar skoðanir um þennan ördóm Jóns Viðars. Kona ein segist vera sammála og maður skrifar: „Sammála Jóni. Gróflega ofmetið atriði.“

Annar FB-vinur Jóns skrifar hins vegar: „Æ, ósköp eru langt utan við þann heim sem þú ert að teygja þig í til að dæma.“

Rithöfundurinn ástsæli, ÓlafurHaukur, tekur hins vegar undir með Jóni Viðari og ritar:

„Í húsi tónlistarinnar eru þúsund vistarverur. Persónulega myndi ég aldrei af sjálfsdáðum setja þetta atriði í spilara – en sem áhorfandi þá segir ég: Flott hjá ykkur! Ég spila samt aftur og aftur að eign frumkvæði portúgalska lagið frá því í hitteðfyrra.“