„Í reglugerð um gerð og búnað ökutækja segir að… nei, þetta er bannað. Skemmtileg hugmynd engu að síður.“
Þetta skrifar Lögreglan á Suðurnesjum á Facebook og birtir ásamt því mynd af nokkuð furðulegum bíl. Bílnum er búið að breyta þannig að bílstjórinn er raunar fyrir aftan bílinn sjálfan.
Bílinn minnir óneitanlega nokkuð á ódauðlegt atriði í þáttunum um Mr. Bean og má því með sanni segja að lögreglan hafi stöðvað Mr. Bean þeirra Suðurnesinga.
