fbpx
Laugardagur 05.apríl 2025
Fréttir

Slysið við Núpsvötn: Krufning fer fram í dag

Erla Dóra Magnúsdóttir
Miðvikudaginn 2. janúar 2019 12:41

Ljósmynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

Í dag stendur til að kryfja lík þeirra sem létust í alvarlegu bílslysi við Núpsvötn milli jóla og nýárs. Einnig er vonast til þess að í dag verði fært að ræða við ökumann bifreiðarinnar, en hann er alvarlega slasaður. Skýrsla hefur þegar verið tekin af bróður ökumannsins, sem var farþegi í bifreiðinni. 

„Það á að skoða í dag hvort hægt sé að ræða við ökumanninn en ég veit ekki stöðuna á því ennþá,“ segir Oddur Árnason, yfirlögregluþjónn lögreglunnar á Suðurlandi í samtali við Mbl.is um rannsókn á tildrögum slyssins við Núpsvötn milli jóla og nýárs þar sem þrír létu lífið.

Ökumaður bifreiðarinnar er alvarlega slasaður en skýrsla hefur verið tekin af bróður hans, sem var farþegi í bifreiðinni.  Sá bróðir var, að sögn, skýr í sinni frásögn en Oddur gat þó ekki tjáð sig meira um skýrslutökuna.

Börnin tvö, sjö og níu ára, sem lifðu slysið af eru á batavegi.

Lík hinna þriggja látnu verða krufin í dag og von er á bráðabirgðaskýrslu krufningar strax í dag. Fjórar til sex vikur getur svo tekið að fá skýrslu úr rannsóknum sem unnar verða samhliða krufningu.

Rannsókn á bifreiðinni stendur enn yfir, en hún er unnin í samstarfi við rannsóknarnefnd samgönguslysa. Oddur segir að ekkert blasi við í rannsókninni enn sem komið er.

Samkvæmt upplýsingum af heimasíðu lögreglunnar var farið á slysstað með fulltrúa rannsóknarnefndar samgönguslysa síðastliðinn föstudag.  Bíltæknirannsókn var þá hafin og miðast við að leiða í ljós hvort eitthvað það sem finnst við skoðun á bifreiðinni hafi átt þátt í eða valdið slysinu. Þá verður sérstaklega kannað hvort og hvaða öryggisbúnaður eða öryggisbelti var í notkun í bílnum, en eins og áður hefur komið fram var ellefu  mánaða ungabarn, sem lést í slysinu, ekki í bílstól þegar barnið fannst og bílstóllinn jafnframt laus.

 

Sjá einnig: 

Slysið við Núpsvötn – Ungbarnið sem lést var ekki í bílstól

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Risasekt á Gísla og Eirík fyrir skattsvik í rekstri hreingerningarþjónustufyrirtækis

Risasekt á Gísla og Eirík fyrir skattsvik í rekstri hreingerningarþjónustufyrirtækis
Fréttir
Fyrir 16 klukkutímum

Blaðamaður Heimildarinnar hefur kært morðhótun Írisar Helgu til lögreglu – „Prinsippafstaða“

Blaðamaður Heimildarinnar hefur kært morðhótun Írisar Helgu til lögreglu – „Prinsippafstaða“
Fréttir
Í gær

Snarpur jarðskjálfti fannst vel á höfuðborgarsvæðinu

Snarpur jarðskjálfti fannst vel á höfuðborgarsvæðinu
Fréttir
Í gær

Einar Kárason deilir átakanlegri frásögn um ekkju sem þurfti að losa sig við besta vin sinn og huggara – „Hann hafði engar röksemdir“

Einar Kárason deilir átakanlegri frásögn um ekkju sem þurfti að losa sig við besta vin sinn og huggara – „Hann hafði engar röksemdir“