Sanna Magdalena Mörtudóttir
151.847 kr. á mánuði.
Sanna Magdalena og kollegar hennar hjá Sósíalistaflokknum voru í hópi þeirra framboða sem geta talist sigurvegarar nýafstaðinna kosninga. Fæstir höfðu trú á Sósíalistaflokknum þegar heyrðist af framboði hans en það var áður en Sanna var kynnt til leiks. Hún var sem fædd í hlutverk oddvitans, kom frábærlega vel fyrir og var með munninn fyrir neðan nefið. Það hvernig hún vann fullnaðarsigur á Einari Þorsteinssyni í kosningasjónvarpi RÚV var einn af hápunktum kosningabaráttunnar. Sanna útskrifaðist nýlega með meistaragráðu í mannfræði frá HÍ og hefur sagst vera stórskuldug eftir námið. Tekjur hennar hafa því ekki verið háar undanfarin ár en hagur hennar mun senn vænkast.
