Búið er að rífa upp fjölda stráa fyrir utan braggann á Nauthólsvegi 100. Það var ekki falleg aðkoma að svæðinu í kringum braggann, frumkvöðlasetrið og skálann þegar ljósmyndari DV mætti á svæðið nú um hádegi. Stráin voru líklegast rifin upp í nótt.
Stráin urðu landsþekkt eftir að DV greindi frá því að þau hafi kostað Reykjavíkurborg 757 þúsund krónur, kostaði það einnig hundruð þúsunda að koma þeim fyrir. Áttu þau að mynda strandstemningu á staðnum.
Líkt og DV greindi frá fyrr í þessum mánuði þá er um að ræða sérstök strá af dúnmelstegund, þau eru höfundarréttarvarin og flutt inn frá Danmörku. Greindi Stöð 2 fyrst frá því að um var að ræða 800 plöntur, hver þeirra kostaði 950 krónur og kostaði rúmlega 400 þúsund krónum að planta þeim. Alls kostuðu stráin Reykjavíkurborg um 1.570.000 krónur.
Sérfræðingar eru ekki á eitt sammála um hvernig strá þetta eru, Hafsteinn Hafliðason garðyrkjumaður, sagði á Facebook síðu sinni að stráin, sem séu af dúnmelstegund, séu af gerðinni „Karl Foerster“. Vinsæll og ófrjór kynblendingur tveggja erlendra hálmgresistegunda, Calamagrostis, sem vaxi hvergi villt á Íslandi.
Jón Guðmundsson plöntulífeðlisfræðingur rannsakaði dúnmel í 15 ár, sagði hins vegar við Fréttablaðið að nóg sé til af svona stráum. „Það eru breiður af þessu við Hvaleyrarvatn,“ sagði Jón og bætti við: „Ég var sjálfur beðinn um þessa tegund af fyrirtæki í bænum. Ég fór bara í reit í nágrenninu og færði þeim nokkur eintök.“
Bragginn Bistro er með rekstur í bragganum fræga og voru stráin rifin í nótt að sögn starfsmanns sem DV ræddi við.
Aðkoman var ekki falleg þegar ljósmyndari DV mætti niður í Nauthólsvík, búið var að dreifa þeim um svæðið og slíta ofan af mörgum þeirra. Tveir starfsmenn borgarinnar voru á staðnum að gera við skemmdirnar:
