Farið hefur verið fram á nauðungarsölu á húsnæðinu að Skólavörðustíg 42 sem í dag hýsir Hótel Adam. Þetta kemur fram í Lögbirtingablaðinu í dag.
Töluvert hefur verið fjallað um starfsemi hótelsins undanfarin misseri. Í febrúar 2016 greindi DV frá því að forsvarsmenn Hótel Adam hefðu hvatt ferðamenn til að kaupa vatn á flöskum sem hótelið seldi í stað þess að drekka það úr krananum. Vatnið kom úr sömu krönum og gestir hótelsins höfðu verið varaðir við að drekka úr.
Myndir af plastflöskum sem voru sérmerktar hótelinu höfðu þá vakið talsverða athygli á Facebook, en hótelið seldi flöskurnar á 400 krónur stykkið. Tveggja lítra flaska kostaði gestu 400 krónur, þrjár evrur eða fjóra Bandaríkjadali. Á sama tíma kostaði bjórinn 700 krónur Rannsókn á vatninu úr krönum hótelsins leiddi ekkert óeðlilegt í ljós.
Hótelið komst aftur í fréttirnar í maí sama ár vegna vinnusalsmáls. Í frétt DV kom fram konu hefði verið haldið nauðugri í starfi á hótelinu. var sögð hafa verið látin gista í herbergi með yfirmanni sínum. Var hún sögð hafa fengið greiddar tæpar 60 þúsund krónur þrátt fyrir að hafa verið við vinnu nær alla daga mánaðarins Einnig kom fram að fleiri starfsmenn hótelsins hefði leitað til lögreglu vegna gruns um að vera fórnarlömb mansals.
Fram kemur í Lögbirtingablaðinu að Íslandsbanki fari fram á nauðungarsöluna en alls eru lagðar fram sex kröfur á jafnmörg fasteignanúmer. Upphæð hverrar og einnar kröfu er rúmlega 25 milljónir króna.
R Guðmundsson ehf. er skráð fyrir eigninni en félagið er í eigu Ragnars Guðmundssonar, hótelstjóra.
Félagið fær frest til 14.júní næstkomandi til að ganga frá greiðslum en annars mun eignin verða seld á nauðungaruppboði.
