fbpx
Fimmtudagur 03.apríl 2025
Fréttir

Hetjudáð í Breiðholtslaug: Milos stakk sér til sunds og bjargaði manni frá drukknun – „Þetta var mjög vel gert hjá honum“

Tómas Valgeirsson
Þriðjudaginn 17. apríl 2018 12:00

Ekki missa af Helstu tíðindum dagsins í pósthólfið þitt

Lesa nánar

Það munaði mjóu að karlmaður hefði drukknað í Breiðsholtslaug á sunnudag en skjót viðbrögð sundlaugavarðar komu honum til bjargar.

Sundlaugagesturinn var sagður hafa setið lengi í heitum potti áður en hann færði sig út í sundlaugina. Þar virðist manninum hafa farið að líða illa því hann er sagður hafa gripið utan um brautarlínuna og sýnt merki um skerta meðvitund.

Hinn serbneski Milos Glogovac stóð vaktina í turninum þennan dag. Hann þótti eldsnöggur að sjá að eitthvað var ekki með felldu og hljóp niður stigann í átt að sundlauginni þegar gesturinn sást sökkva til botns. Milos stakk sér í sundlaugina á eftir manninum, kom honum upp á bakkann og beitti skyndihjálp þar til sjúkrabíll og sjúkraliðar birtust. Milos hefur unnið sem sundlaugavörður í Breiðholtslauginni í eitt og hálft ár.

Sólveig Valgeirsdóttir, forstöðumaður Breiðholtslaugar, er hæstánægð með starfsmann sinn og segir svona neyðartilfelli sem betur fer ekki vera algeng. Miklar öryggiskröfur eru gerðar til starfsfólks sundstaða og á hverju ári er þreytt sundpróf sem allir starfsmenn þurfa að gangast undir. „Þetta var mjög vel gert hjá honum,” segir hún í samtali við DV. „Þetta er stórt svæði en Milos er mjög athugull maður og talaði um að námskeiðin okkar hafi hjálpað sér gríðarlega mikið.”

Samkvæmt fréttavef Eiríks Jónssonar var dægurlagasöngvarinn André Bachmann á meðal sjónarvotta. „Starfsmaðurinn brást hárrétt við og á hrós skilið,” segir Bachmann í samtali við miðilinn um björgunarafrekið.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Nauðgunardómur Vilhelms fer ekki fyrir Hæstarétt

Nauðgunardómur Vilhelms fer ekki fyrir Hæstarétt
Fréttir
Fyrir 15 klukkutímum

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Fyrir 17 klukkutímum

Stefán Einar svarar fyrir sig: „Fólk þarf ekki að mæta og það þarf ekki að hlusta”

Stefán Einar svarar fyrir sig: „Fólk þarf ekki að mæta og það þarf ekki að hlusta”
Fréttir
Fyrir 18 klukkutímum

Fá ekki greitt fyrir óunna yfirvinnu úr þrotabúi Skagans 3X

Fá ekki greitt fyrir óunna yfirvinnu úr þrotabúi Skagans 3X
Fréttir
Fyrir 21 klukkutímum

Pétur mælir ekki með að fólk kaupi allar raðirnar í Lottó – „Þá er hann í vondum málum“

Pétur mælir ekki með að fólk kaupi allar raðirnar í Lottó – „Þá er hann í vondum málum“
Fréttir
Fyrir 23 klukkutímum

Páll telur að enn eigi mikið eftir að gerast

Páll telur að enn eigi mikið eftir að gerast
Fréttir
Í gær

Segir að Rússar séu reiðubúnir til að herða stríðsrekstur sinn

Segir að Rússar séu reiðubúnir til að herða stríðsrekstur sinn
Fréttir
Í gær

Bandarískir fjölmiðlar gefa ekki mikið fyrir Grænlandsferð Vance – „Fasteignaskoðun“

Bandarískir fjölmiðlar gefa ekki mikið fyrir Grænlandsferð Vance – „Fasteignaskoðun“