Knattspyrnuhetjan hefur fjárfest fyrir 450 milljónir króna í íbúðum á höfuðborgarsvæðinu
Knattspyrnumaðurinn Gylfi Þór Sigurðsson hefur gert það gott á knattspyrnuvellinum undanfarin ár og er óhætt að fullyrða að hann sé eftirlætisíþróttamaður þjóðarinnar. Hann er líka launahæsti íslenski íþróttamaður sögunnar. Árslaun hans hjá enska knattspyrnuliðinu Everton eru tæplega 700 milljónir króna og þá eru auglýsingatekjur ótaldar.
Þrátt fyrir himinháar launagreiðslur berast reglulega tíðindi af afreksíþróttamönnum sem glutra auðæfum sínum niður. Gylfi Þór ætlar augljóslega ekki að lenda í þeirri gryfju og hefur freistað þess að fjárfesta skynsamlega með hjálp fjölskyldu sinnar. Fjallað hefur verið um fjárfestingar Gylfa Þórs í sjávarútvegi en minna um fjárfestingar hans í fasteignum.
Í gegnum félagið Stellar ehf. á Gylfi Þór tug glæsilegra íbúða á höfuðborgarsvæðinu. Þrjár í Kópavogi, þrjár í Hafnarfirði, þrjár í Garðabæ og eina í Vesturbæ Reykjavíkur. Félag Gylfa Þórs, sem bróðir hans Ólafur Már er framkvæmdastjóri yfir, fjárfesti í fasteignunum á árunum 2013 til 2015. Heildarkaupverð eignanna var tæplega 450 milljónir króna og eru þær nánast allar í útleigu, nema ein sem Gylfi Þór hefur afnot af þegar hann dvelur á Íslandi. Miðað við verðhækkun á fasteignamarkaði er óhætt að fullyrða að um góða fjárfestingu hafi verið að ræða.
Álfkonuhvarf 49 103,2 fermetra íbúð á 2. hæð. Kaupdagur er 10. apríl 2015. Kaupverð 34,25 milljónir króna.
