Guðmundur Ellert Björnsson, starfsmaður Barnaverndar Reykjavíkur, hefur verið úrskurðaður í gæsluvarðhald þar til 16. mars næstkomandi. Landsréttur staðfesti úrskurð þess efnis fyrir helgi. Í gæsluvarðhaldsúrskurði eru meint brot hans tíunduð en hann er grunaður um að hafa beitt fjölda barna kynferðislegu ofbeldi. Samkvæmt úrskurði er hann grunaður um að hafa beitt þrjú systkini auk fjögurra annarra barna ofbeldi. Óhætt er að segja að lýsingar í dómnum séu ógeðfelldar.
Guðmundur Ellert er sakaður um að hafa beitt einn dreng ofbeldi meðan hann var 8 til 14 ára. Guðmundur Ellert hafi boðið piltinum reglulega að gista hjá sér og vildi að hann svæfi upp í rúmi hjá honum. „Brotaþoli hafi lýst því að kærði hafi fróað honum og sjálfum sér um leið. Hann hafi einnig lýst því að kærði hafi í þrjú skipti gefið sér töflur sem gert hafi sig svo þreyttan að hann sofnaði. Í a.m.k. eitt skiptið hafi hann fundið fyrir því að kærði snerti á honum bakið og sitjandann áður en brotaþoli sofnaði. Þá hafi brotaþoli lýst því að í þessi þrjú skipti hafi hann fundið fyrir sársauka í endaþarmi þegar hann vaknaði og í eitt skiptið hafi blætt úr endaþarmi. Þá hafi brotaþoli lýst því að myndavél hafi verið á heimilinu sem brotaþoli hafi ekki mátt skoða. Í nokkur skipti eftir að brotaþoli hafi fengið töflur frá kærða og orðið þreyttur hafi kærði tekið af honum sængina og brotaþoli síðan heyrt smelli, eins og verið væri að taka myndir,“ segir í dómi.
Síðasta skiptið sem hafi verið samkvæmt úrskurði þegar Guðmundur Ellert og pilturinn voru á leið í útilegu á Apavatni. „Á leiðinni hafi kærði, á meðan hann var að keyra, farið með höndina inn undir buxur brotaþola og fróað honum og hlegið svo eftir á,“ segir í dómi.
Systir piltsins hefur enn fremur kært Guðmund Ellert en hún segir að hún hafi sofið upp í hjá honum þegar hún var barn. Hann hafi þá lagt hana ofan á sig og nuddað henni upp og niður eftir klofinu á sér. Fyrrnefndur piltur, bróðir stúlkunnar, var líka í rúminu og segir í dómi að hann hafi „gripið inn í og látið kærða frekar gera þetta við sig en litlu systur sína“. Annar piltur, bróðir fyrrnefndra systkina, hefur enn fremur kært Guðmund Ellert. Hann segir að Guðmundur Ellert hafi sett lim í endaþarm sinn þegar hann var 12 ára og svaf upp í hjá honum.
Náinn ættingi Guðmundar Ellerts hefur auk þess kært hann fyrir brot á árunum 2001 og 2002 en þá hafi hann fróað honum þar til hann fékk sáðlát. Pilturinn var þá 12 ára. „Brotaþoli hafi upplifað þetta svo að kærði væri að kenna honum að stunda sjálfsfróun. Brotaþoli hafi sagt kærða hafa káfað á sér eftir þetta og hann gert sig líklegan til að gera eitthvað þessu líkt aftur. Brotaþoli hafi sagt honum að hætta og þá hafi kærði hætt,“ segir í dómi.
Annar piltur, sonur vinafólks Guðmundar Ellerts, hefur kært hann fyrir kynferðisbrot sem eru sögð hafa átt sér stað á árunum 1997, 1999 og 2005. Sá piltur er einhverfur og lögblindur. Hann hafi lýst því svo að þegar hann hafi verið u.þ.b. 11-12 ára hafi kærði gisti á dýnu í herbergi hans heima hjá honum í Svíþjóð. Þá þá hafi kærði strokið læri brotaþola og skömmu síðar er þeir hafi verið að horfa á mynd upp í rúmi hafi kærði, undir teppi, fróað brotaþola og haft við hann munnmök. Þegar brotaþoli hafi verið 11-13 ára gamall hafi kærði komið og gist með frændsystkin, strák og stelpu, með sér […]Þegar brotaþoli hafi verið 14-15 ára gamall hafi kærði gist á dýnu í stofunni. Kærði hafi þá reynt að hafa samræði við hann í endaþarm en án árangurs. Kærði hafi þá haft munnmök við brotaþola og fróað honum. Enn fremur hafi kærði haft samfarir við brotaþola í endaþarm er brotaþoli gisti hjá honum á Íslandi 2005. Í því tilviki hafi brotaþoli látið sem hann svæfi,“ segir í úrskurði Landsréttar.
Náinn ættingi Guðmundar Ellerts hefur jafnframt kært hann fyrir kynferðisbrot þegar hann var 6 til 12 ára. „Brotaþoli hafi ekki getað sagt til um í hversu mörg skipti kærði braut á honum, svo mörg hefðu þau skipti verið. Brotaþoli hafi lýst því að kærði hafi fróað honum og látið hann fróa sér. Það hafi einnig verið munnmök á báða bóga og báðir haft sáðlát. Þetta hafi verið á kvöldin þegar brotaþoli hafi gist í rúmi kærða á […]. Í eitt skipti þegar brotaþoli var 11 eða 12 ára gamall hafi hann farið með ömmu sinni og afa, foreldrum kærða, og kærða sjálfum í ferðalag til Danmörku. Í sumarbústað þar í landi hafi kærði reynt að setja getnaðarlim sinn í endaþarm brotaþola, sem náð hafi að koma sér undan,“ segir í dómi.
Æskuvinur fyrrnefnds ættingja hefur auk þess kært Guðmund Ellert en þau brot eru sögð hafa átt sér stað á árunum 1999 til 2001. Sá hafi séð Guðmund Ellert fróa vini sínum í eitt skipti þegar hann gisti hjá honum. Sömu nótt hafi Guðmundur Ellert gert það sama við piltinn.
