Kaup Fjarskipta á 365 miðlum gengu í gegn í dag
Eins og greint var frá í morgun þá hafa kaup Fjarskiptum á öllum eignum og rekstri 365 miðla gengið í gegn. Hinar keyptu eignir eru meðal annars fjarskipta-, sjónvarps- og útvarpsrekstur 365 miðla auk vefmiðilsins Vísis en rekstur og útgáfa Fréttablaðsins er undanskilin í kaupunum. Kaupverð er á bilinu 3.125-3.275 milljónir króna og mun endanlegt kaupverð ráðast af rekstrarárangri hins keypta fram að afhendingu.
Samkvæmt heimildum DV mun Sævar Freyr Þráinsson, forstjóri 365 miðla, láta af störfum þegar í stað. Mun Ingibjörg Pálmadóttir, aðaleigandi 365 miðla, taka við keflinu þar til kaupin verða samþykkt af Samkeppniseftirlitinu.
Þá hefur einnig verið staðfest að Sævar Freyr muni taka við bæjarstjórastarfi Akraneskaupstaðar en þann 3.mars síðastliðinn lét Regína Ásvaldsdóttir af því starfi.
Samkvæmt frétt Morgunblaðsins þá var ráðning Sævars Freys samþykkt samhljóða á lokuðum fundi bæjarstjórnar þann 28.febrúar síðastliðinn.
