Justin Bieber
Tæplega 38 þúsund gestir munu upplifa sögulega tónleika í Kórnum í Kópavogi í næstu viku en dagana 8. og 9. september næstkomandi mun Bieber sjá um að skemmta íslenskum tónleikagestum.
16.00 – Umferðartakmarkanir í Kórahverfi taka gildi og sætaferðir hefjast frá Smáralind.
16.00 – Útisvæði opnar.
17.00 – Húsið opnar.
19.00 – Sturla Atlas
19.40 – Vic Mensa
20.30 – JUSTIN BIEBER
22.00 – Áætluð lok tónleika
Tónleikagestum bjóðast sætaferðir frá Smáralind að Kórnum auk þess er ókeypis í strætó á tónleikadögum gegn framvísun tónleikamiðans. Fólk er hvatt til að nota almenningssamgöngur en leigubílar, reiðhjól og fatlaðir komast alveg upp að Kórnum. Einnig eru stæði nálægt kórnum fyrir tónleikagesti sem eru fjórir saman í bíl eða fleiri (framvísa þarf tónleikamiðum).
Mánudaginn 5. september verður tekið forskot á sæluna í Smáralind: „Pop-up“ búð opnar á neðri hæðinni en hún mun selja „official“ Justin Bieber varning auk þess sem Tix verður á staðnum að selja og afhenda miða. Búðirnar fylgja opnunartíma Smáralindar mánudag – miðvikudags en fimmtudag og föstudag (á tónleikadögunum) loka þær kl 16 í Smáralind og opna þess í stað á sama tíma í Kórnum.