Hollenskur hönnuður hyggst nú koma á markað nýju kynlífshjálpartæki og er það hugsað fyrir ekkjur sem sakna nándarinnar við eiginmenn sína sem fallnir eru frá. Víst er þó að sitt mun sýnast hverjum um þessa nýjung.

Umrætt kynlífsleikfang er gylltur víbardor þar sem hægt er að koma fyrir ösku hins látna . Segir hönnuðurinn að á þennan hátt geti viðkomandi ekkja endurupplifað þær innilegu stundir sem átti með látnum maka sínum í svefnherberginu.

Mun víbradorinn koma í sérstöku boxi ásamt fylgihlutum sem viðkomandi ekkja getur notað til að endurvekja minningar um látinn eiginmann sinn. Þessir fylgirhlutir eru ilmvatnsglas til að muna eftir lyktinni af honum og iPhone hátalari til að spila viðeigandi tónlist. Þá verður hægt að læsa boxinu með sérstökum gulllykli, og einnig getur viðkomandi ekkja geymt giftingarhringinn í boxinu og verið þannig viss um að hann sé á vísum stað.