Forseti Kýpur, Nicos Anastasiades sagði á blaðamannafundi í morgun atvikið ekki vera tengt hryðjuverkum. Anastasiades sagði einnig í samtali við fjölmiðla að „við erum að gera okkar besta fyrir alla, svo allir komist undan öruggir.“ Hann líkir atburðinum frekar við bjánaskap.

Ræninginn er sagður vera Ibrahim Samaha, 27 ára gamall egypskur ríkisborgari og prófessor í dýralækningum.

Flugvél egypska flugfélagsins EgyptAir var rænt snemma í morgun þegar hún lenti á Larnaca flugvellinum í Kýpur. Flugvélin var að fljúga á milli Alexandria og Kaíró. Samkvæmt heimildum BBC voru 56 farþegi um borð í vélinni. Áður hafði verið gefið út að 81 farþegi hafi verið í vélinni. Í tilkynningu frá egypskum yfirvöldum segir að „farþegi hafi sagt flugmanni vélarinnar hafi að hann væri íklæddur sjálfsmorðssprengjubelti og að hann hafi þvingað sig til að lenda vélinni í Larnaca.“

Flugræninginn hafði samband við flugturninn í Larnaca um klukkan 8:30 að staðartíma, og flugvélinni var gefið leyfi á að lenda klukkan 8:50. Flugvellinum í Larnaca hefur verið lokað og flugvélum er sagt að lenda á flugvellinum í Paphos.

Samkvæmt heimildum fjölmiðla hafi maðurinn sett það fram sem kröfu, að fá að hitta eiginkonu sína. Yfirvöld í Kýpur vinna að því að koma henni á flugvöllinn.

Ennþá eru sjö manns um borð sem ekki hefur verið hleypt útúr vélinni, fjórir þeirra eru hluti af áhöfninni. Öllum konum og börnum var hleypt strax frá borði.