Eins og fram kom í fréttum þá boðaði Roosh til nokkurskonar stefnumóts öfgakarla í rúmlega 40 löndum, þar á meðal Íslandi. Áttu karlar að hittast við styttu Leifs Eiríkssonar við Hallgrímskirkju. Þar áttu þeir að finna annan karl og spyrja:
Kvenhatarinn Daryush „Roosh V“ Valizadeh hringdi á lögregluna á dögunum og tilkynnti um fjölda hótana sem honum hafa borist á síðustu dögum og vikum.
Í umfjöllun Daily Mail kemur fram að hann býr í kjallaranum hjá mömmu sinni á sama tíma og hann reynir að breiða út einkennilegan boðskap um ættbálkasamfélag karla sem hefur það að markmiði að niðurlægja konur og berjast gegn straumi innflytjenda.
Eins og fram kom í fréttum þá boðaði Roosh til nokkurskonar stefnumóts öfgakarla í rúmlega 40 löndum, þar á meðal Íslandi. Áttu karlar að hittast við styttu Leifs Eiríkssonar við Hallgrímskirkju. Þar áttu þeir að finna annan karl og spyrja:
„Veistu hvar gæludýrabúðin er?“
Roosh er ekki aðeins umdeildur hér á landi, en hann skrifaði bókina Bang Iceland árið 2011 og olli töluverður fjaðrafoki. Bókin er sögð lítið annað en nauðgunarleiðbeiningar.
Og Roosh er raunar ekki svo frávherfu kynferðislegu ofbeldi. Þannig hefur hann hvatt fylgismenn sína til þess að mynda ávallt kynlíf með konum svo þeir verði ekki kærðir að ósekju fyrir kynferðisofbeldi. Þá vill hann ganga enn lengra og lögleiða kynferðisofbeldi að hluta.
Raunar er Roosh búinn að bæta við áréttingu á bloggi sínu þar sem hann segist hafa verið að grínast. Í frétt Daily Mail kemur þó fram að áréttingin hafi ekki birst fyrr en nú í vikunni.
Sjálfur þykist Roosh, sem er 36 ára gamall, vera viðskiptamógúll, en raunin virðist önnur. Hann býr í kjallara móður sinnar þaðan sem hann bloggar á heimasíðu sinni um öfgakarlmennsku.
Mikill fjöldi hótana hafa borist Roosh, bæði frá Kanada, Bretlandi og Ástralíu. Hann hætti meðal annars við að heimsækja Ástralíu vegna mikilla mótmæla.
