Sótthreinsiklútar hafa fengist í stórmörkuðum áratugum saman og vinsældir þeirra fara hvergi þverrandi, enda með eindæmum hentugir og þætilegir í notkun. En það sem margir gera sér ekki grein fyrir er að ef klútarnir eru ekki notaðir rétt, og ekki er farið eftir leiðbeiningum á pakkningunum, þá gæti maður verið að dreyfa sýklum um allt eldhús, í stað þess að sótthreinsa það.
Nú hugsa líklega margir með sér „á nú að fara að kenna mér að þrífa eldhúsið mitt, eina ferðina enn?“ Kannski. Kannski ekki. Það fer eftir því hvernig þú þrífur eldhúsborðið.
Sótthreinsiklútar virka vissulega, það hefur verið sannreynt með óyggjandi rökum. En staðreyndin er eftir sem áður sú að ef klútarnir eru notaðir á rangan hátt, þá eru allar líkur á því að þú sért ekki að sótthreinsa, heldur eingöngu að dreyfa sýklum. En örvæntið eigi. Fylgir þú þessum einföldu þumalreglum munu sótthreinsiklútarnir verða þér hjálp í eldhúsinu en eigi hörgur.
Það er alls ekki nauðsynlegt í öllum tilfellum að nota sótthreinsiklút. Stundum þarf að þrífa eða þurrka af og öðrum stundum þarf að sótthreinsa. Og í sumum tilfellum þarf að gera bæði. Það er mjög góð þumalregla að þurrka af eldhúsbekknum og borðinu eftir hverja máltíð en dagleg þrif þurfa alls ekki alltaf að innihalda sótthreinsun.
Í mörgum tilfellum eru bakteríur af hinu góða enda gagnast líkaminn af því að komast í snertingu við bakteríur. Það getur meira að segja komið í veg fyrir astma hjá börnum.
Ef það þarf að þurrka af til þess að hreinsa óhreindindi, þá dugir yfirleitt rakt eldhúsbréf vel, tuska eða það sem er enn betra, örtrefjaklútur. Eftir þrifin fer eldhúspappírinn í ruslið og tuskuna eða klútinn má þvo með heitu vatni og setja í klór til þess að drepa þá sýkla sem gætu þar leynst. En ef ætlunin er að hreinsa yfirborðið af sýklum þá gilda ákveðnar notunarleiðbeiningar um sótthreinsiklúta.
Sótthreinsiklútar eru einnota. Segjum sem svo að þú hafir sullað óelduðum kjúklingasafa yfir allan eldhúsbekkinn. Hvað er þá til ráða? Í slíku tilfelli er æskilegt að sótthreinsa, því ekki viljum við dreyfa hugsanlegri salmonellu í hrásalatið sem á að útbúa á meðan kjúklingurinn stiknar í ofninum.
Rannsóknir sýna fram á að sótthreinsiklútar fjarlægja bakteríur og sýkla og eyða þeim, en virka eingöngu á lítið svæði, þ.e. um einn fermeter. Ef klúturinn er notaður á stærra svæði en það, þá eru allar líkur á því að verið sé að dreifa sýklum í stað þess að útrýma þeim. Þumalreglan er því sú, að ef það þarf að sótthreinsa, þá er best að þurrka fyrst óhreinindi af með eldhúspappír eða örtrefjaklút og nota þvínæst sótthreinsiklútinn. Einnig skal hafa það í huga að það þarf líklega töluvert meira af klútum en virðist nauðsynlegt.
