Það vakti heimsathygli þegar rússneski áhrifavaldurinn Marina Balmasheva fór frá eiginmanni sínum til tíu ára eftir að hafa fallið fyrir stjúpsyni sínum, Vladimir „Vova“ Shavyrin.
Marina hefur ýmist hlotið lof eða last fyrir að hafa byrjað með stjúpsyni sínum. Hún virðist hafa nokkuð öfgakenndan lífstíl ef marka má mjög miklar líkamsbreytingar hennar sem og unga kærastann en hvort tveggja hefur vakið heimsathygli.
Marina er með yfir 430 þúsund fylgjendur og hefur ekki farið leynt með þá staðreynd að hún sé í sambandi með Vladimir og að hún hafði tekið þátt í uppeldi hans frá sjö ára aldri. Marina missti 9000 fylgjendur eftir að hún greindi frá sambandinu en þó það flokkist ekki sem ólöglegt hafa fylgjendur hennar kallað það ósiðlegt.
Sjá einnig: Rússneskur áhrifavaldur ólétt af barni stjúpsonar síns – Eiginmaðurinn heyrði í þeim stunda kynlíf
Marina varð fyrst vinsæl á samfélagsmiðlum eftir að hún byrjaði að deila þyngdartapsferli sínu. Nýlega birti hún „fyrir og eftir“ mynd á Instagram og ræddi meðal annar sum hversu erfitt það hefur verið að hreyfa sig í samkomubanninu. News.au greinir frá.
Marina sagðist einnig hafa áhyggjur af því að þyngjast mikið á meðgöngu og spurði fylgjendur sína um hversu mikið þeir þyngdust og hve mikið af þeirri þyngd „varð eftir á spítalanum.“
Marina var einungis 22 ára þegar hún gekk að eiga föður Vladimir, Alexey Shavyrin, en er nú 45 ára. Hjónabandið entist í tíu ár og á því tímabili ættleiddi hún börnin hans fimm og meðal annars Vladimir. Hún heldur áfram að ala upp stjúpbörn og yngri systkini kærasta síns.
