Gildir 14. til 21. júlí
Hrútur
21. mars – 19. apríl
Rómantíkin er alls ráðandi í vikunni og þú finnur fyrir aukinni væntumþykju og hrifningu í garð maka þíns. Einhleypir hrútar kolfalla fyrir manneskju sem þeir áttu síst von á að falla fyrir. Gamalt mál skýtur uppi kollinum. Má sem þú hélst að þú værir búinn að gera upp en ýfir upp gömul sár. Þú þarft að takast á við það og ljúka því í eitt skipti fyrir öll.
Naut
20. apríl – 20. maí
Þú færð spennandi tækifæri sem getur gefið vel í aðra höndina ef þú heldur rétt á spilunum. Þér finnst þú vera skynsamari með peninga og átt allt í einu meira í veskinu en vanalega. Þú ákveður að taka heilsuna föstum tökum og finnur þér hreyfingu sem þú gætir enst í, jafnvel keppt í. Passaðu upp á samskipti við þína nánustu – ekki tala undir rós.
Tvíburar
21. maí – 21. júní
Þú finnur fyrir sterkri löngun að koma á röð og reglu í lífi þínu. Þú vilt berjast fyrir því sem þú átt og ekki láta fólk vaða yfir þig, hvorki heima fyrir né í vinnunni. Þú þarft að fara að vinsa þá út úr lífi þínu sem gera þér ekkert gott. Svo kemur upp eitthvað leiðindamál tengt fjölskyldunni sem þú neyðist til að horfast í augu við, þó það sé erfitt.
Krabbi
22. júní – 22. júlí
Svo virðist sem krabbinn sé aðeins að hreinsa til í kringum sig. Þú hefur átt í sambandi við manneskju um langa hríð, annað hvort vinasambandi, í atvinnutilgangi eða í einkalífinu, og þú ákveður að losa þig við þessa manneskju úr lífinu þínu. Í framhaldinu ert þú minna opinn og móttækilegur fyrir nýju fólki. Það er þó bara um tíma.
Ljón
23. júlí – 22. ágúst
Þú ert búinn að halda einhverju fyrir þig í svolítinn tíma, einhverju sem þú hefur ekki þorað að deila með öðrum. Þetta leyndarmál tengist þér óbeint og loks í þessari viku finnurðu kjark til að létta af þér. Þú átt fullt af góðu fólki í kringum þig sem styður þig og þér líður margfalt betur þegar þú ert búinn að losa um leyndarmálastífluna.
Meyja
23. ágúst – 22 .september
Það er ofboðslega mikið slúður í kringum þig og baktal, sem fer einstaklega mikið í taugarnar á þér og hefur alltaf gert. Þú hagar þér ekki svona sjálf en mundu að það er erfitt að breyta öðrum. Þú getur aðeins breytt þér. Þú finnur það vel í þessari viku hverjir eru vinir þínir og hverjum þú getur treyst í gegnum þykkt og þunnt. Erfið lexía en mikilvæg.
Vog
23. september – 22. október
Það er gríðarlega miklar breytingar í kortunum hjá þér og þér fallast pínulítið hendur yfir þeim. Hugsaðu frekar um þær sem jákvætt skref fram á við því hugsanlega er eitthvað sem bíður þín handan við hornið. Þetta er einnig góður tími til að líta inn á við og vinna í þér sjálfri til að bæta líðan þína almennt.
Sporðdreki
23. október – 21. nóvember
Þér finnst þú vera einn á báti um þessar mundir. Það eru breytingar allt í kringum þig sem leiða þig að þeirri hugsun að þú vitir í raun ekkert hvað þú átt að gera við líf þitt. Heimurinn er samt að öskra á þig að hugsa um þig sjálfan, ekki láta utanaðkomandi breytingar koma þér úr jafnvægi og einblína á það sem skiptir þig mestu máli í lífinu.
Bogmaður
22. nóvember – 21. desember
Þú virðist vera að jafna þig á ástarsorg eða að læra að elska á nýjan leik. Þig langar að elska einhvern af öllu hjarta en þetta er ekki rétti tíminn. Svo skaltu alls ekki taka á þig meiri vinnu en þú hefur nú þegar gert. Þú þarft að fría meiri tíma fyrir sjálfan þig og einfaldlega hvílast. Ef þú heldur áfram á sama hraða gætir þú slasað þig, andlega eða líkamlega.
Steingeit
22. desember – 19. janúar
Þú ert að keppast um eitthvað starf sem þig langar mikið í. Því leggur þú gífurlega hart að þér svo fólk taki eftir þér. Þú hvetur einnig fólkið í kringum þig og býrð til skemmtilegt andrúmsloft hvert sem þú kemur. Sambandið við fjölskylduna er afar gott og þú nærð að ná góðu jafnvægi á milli þessarar miklu vinnu og einkalífsins.
Vatnsberi
20. janúar – 18. febrúar
Vatnsberinn ætlar svo sannarlega að lifa lífinu í þessari viku. Þú breytir til og nýtur góðs matar, drykkja og ferðalaga. Þú verður sífellt öruggari með að prófa nýja hluti og þetta uppbrot úr hversdagsleikanum gerir þér mjög gott. Þú hugsar vel um þig sjálfan og mættir halda því áfram um ókomna tíð.
Fiskar
19. febrúar – 20. mars
Þú stendur frammi fyrir stórri ákvörðun í þessari viku og tekur mjög skynsamlega ákvörðun. Þú hættir að hugsa allt með hjartanu og leyfir þér að verða pínulítið Excel-skjal í smá tíma. Það á eftir að koma sér vel. Þú ert aðeins orkuminni en vanalega og þarft hugsanlega að breyta þeirri hreyfingu sem þú hefur stundað upp á síðkastið. Minnka hana aðeins.
14. júlí: Kjartan Hreinn Njálsson, aðstoðarmaður landlæknis, 32ja ára
15. júlí: Ögmundur Jónasson, fyrrverandi ráðherra, 71 árs
17. júlí: Hanna Rún Bazev Óladóttir, dansari, 29 ára
19. júlí: Aron Pálmarsson, handboltamaður, 29 ára
20. júlí: Edda Sif Pálsdóttir, sjónvarpskona, 31 árs
