Hvað er betra en að fara vel með umhverfið og veskið, á sama tíma?! Daily Mail tók saman nokkur góð og einföld ráð sem hjálpa þér að hugsa betur um umhverfið og spara pening í leiðinni. Hér eru nokkur atriði:

Komdu með eigin bolla

Með því að koma með þinn eigin bolla á kaffihús færðu ódýrara kaffi og hugsar betur um umhverfið.

Hunsaðu „best fyrir“ dagsetninguna

Þú getur alveg hunsað „best fyrir“ dagsetninguna á vörum. Varan er enn örugg að borða, en dagsetningin sýnir hvenær varan er komin yfir þann tíma að hún sé „best.“ Smakkaðu vöruna og ef hún er í lagi, borðaðu hana.

Notaðu sápu í stað fyrir sturtugel

Sápustykki er mun ódýrara en sturtugel og kemur oftast í bréfpakkningum meðan sturtugel kemur í plasti. Betra fyrir umhverfið og budduna.

Slepptu kjöti einu sinni í viku

Sir Paul McCartney og dætur hans Mary og Stella komu „Meatless Mondays“ eða kjötlausir mánudagar, af stað árið 2009. Það er frábært fyrir veskið og umhverfið að sleppa kjöti allavega einu sinni í viku. Grænmetisréttir, eins og baunir og grænmeti eru ódýrari en kjöt.

Fataskipti

Þú getur haft fataskipti með vinum þínum, þar sem þú skiptir út fötum sem þú notar ekki lengur og færð föt sem vinir þínir eru hættir að nota. Þú getur líka ásamt öðrum skipulagt stærri fataskipti þar sem almenningur getur mætt með fötin sín og skipt við aðra.

LED perur

Kauptu LED perur í stað þeirra hefðbundnu. Þær endast tvisvar til þrisvar sinnum lengur og nota minna rafmagn.

Hættu að nota plastpoka

Segðu alveg skilið við plastpoka. Það fer mun betur með umhverfið og sparar þér þó nokkra þúsundkalla.

Fáðu þér bókasafnskort

Frekar en að kaupa nýja bók í hvert skipti sem þú vilt lesa eitthvað. Kauptu bókasafnskort og leigðu út bækur.

Notaðu brúnan gjafapappír

Gjafapappír er venjulega hent um leið og gjöf er opnuð og mikið af gjafapappír er með ál eða glimmer svo það er ekki hægt að endurvinna hann. Notaðu brúnan pappír sem er hægt að endurvinna og skreyttu svo gjöfina sjálf.

Ræktaðu þínar eigin kryddjurtir

Byrjaðu að rækta þínar eigin kryddjurtir. Getur byrjað á basil og kóríander til dæmis.

Gerðu þínar eigin hreinsunarvörur

Búðu til þínar eigin hreinsunarvörur úr náttúrulegum efnum eins og matarsóda, edik og sítrónusafa.