Óskarsverðalunin verða afhent í nótt vestan hafs. Mörgum finnst jafnvel skemmtilegra að fylgjast með dressunum á rauða dreglinum frekar en hver hreppið hnossið, en hér eru nokkrir eftirminnilegir kjólar og dress sem stálu senunni
Leikkonan Barbra Streisand var jöfn Katharine Hepburn sem besta leikkonan þetta árið. Hún hins vegar gerði sér ekki grein fyrir því að kjóllinn, sem var úr smiðju Arnold Scaasi, væri gagnsær fyrr en hún steig upp á sviðið. Hún gleymir því eflaust aldrei. Á myndinni stendur hún á milli Jack Albertson og Anthony Harvey.
Enn er ekki ljóst hver hannaði satínsmókinginn sem Dionne Warwick klæddist á hátíðinni, en hann vakti klárlega mikla athygli. Hér er hún með eiginmanni sínum, William Elliott og systur sinni, Dee Dee.
Leikkonan Diane Keaton er þekkt fyrir að klæðast fötum sem fólk sér oftast á karlmönnum og klæddist dressi frá Ruth Morley á Óskarnum árið 1978. Þess má geta að Diane veitti fjölmörgum konum innblástur á þessum tíma þegar kom að fatavali. Sannkallaður frumkvöðull.
Leikkonan og fyrirsætan Farrah Fawcett klæddi sig upp sem sjálf Óskarsstyttan þegar hún steig upp á svið ásamt Marcello Mastroianni.
Þetta lúkk úr smiðju Bob Mackie gleymist seint, en Cher lét hafa eftir sér í samtali við Vogue að hún sæi eftir því að hafa klæðst þessari múnderingu á Óskarnum. „Ég vissi að nokkrir í akademíunni töldu mig ekki vera alvöru leikkonu,“ sagði hún.
Madonna mætti á Óskarinn með poppkóngnum Michael Jackson og klæddist skjannahvítum kjól og pels úr smiðju Bob Mackie. Hún stal svo sannarlega senunni.
Leikkonan Sharon Stone mætti á rauða dregilinn í karlmannsskyrtu úr versluninni Gap og satínpilsi frá Veru Wang. Hér er hún með Phil Bronstein.
Manneskjan sem nær næstum því að toppa Björk okkar Guðmundsdóttur er söngkonan Celine Dion sem mætti í öfugum smóking frá John Galliano.
Talandi um Björk, þá þykir svanakjóllinn hennar enn þá sá umdeildasti, en það var Marjan Pejoski sem hannaði hann.
Þessi kjóll úr smiðju Elie Saab sem leikkonan Halle Berry klæddist féll heldur betur í kramið hjá tískugagnrýnendum og eru hönnunarmógúlar enn að tala um hann öllum þessum árum seinna.
Þetta var klárlega mjög ögrandi dress frá meistara Alexander McQueen og mætti jafnvel halda því fram að leikkonan Gwyneth Paltrow hafi verið á undan sinni samtíð þegar kemur að byltingunni #freethenipple.
Þessi Givenchy-kjóll sem leikkonan Zoe Saldana klæddist hafði það allt og var gjörsamlega yfirdrifinn. Kjóll sem fólk elskar að hata og hatar að elska.
Það má með sanni segja að fótleggur leikkonunnar Angelinu Jolie hafi brotið internetið og varð frægur yfir nóttu þökk sé þessum kjól frá Atelier Versace. Fótleggurinn var fótósjoppaður á ýmislegt og skemmtu margir sér konunglega yfir þessu lúkki.
Það eru ekki margir sem geta klæðst galla frá Gucci eins og leikstjórinn Agnès Varda.
