Kate Gibbons, frá Ludlow í Bretlandi, ákvað að breyta um lífsstíl eftir að hún sá „hræðilega“ mynd af sér frá fyrstu jólum sonar síns. Hún var vön að forðast myndavélina eins og heitan eldinn eftir að hún þyngdist í kjölfar meðgöngu. Hún var um 100 kíló jólin 2018 og glímdi við mikið fæðingarþunglyndi sem gerði það að verkum að hún sótti huggun í sætindi og kex.
Kate segir frá myndinni sem breytti öllu fyrir hana. Myndinni sem lét hana breyta um lífsstíl og missa 38 kíló. News.au fjallar um sögu Kate.
„Ég þyngdist um 25 kíló þegar ég var ólétt, en ég léttist ekki eftir að barnið fæddist því ég var með fæðingarþunglyndi og borðaði tilfinningar mínar,“ segir hún.
„Það er erfitt fyrir mig að útskýra hvernig mér leið, en þetta var skelfilegur tími – þú átt að elska barnið þitt strax og vilja sýna heiminum hann. Ég elskaði hann, en ég hafði ekki þessar rosalegu tilfinningar sem ég átti að vera með, og mig langaði að vera heima hjá mér með dregið fyrir gluggana. Ég borðaði allt sem var sætt og mikið af örbylgjuhituðum mat þar sem ég hafði ekki tíma til að elda með nýfætt barn.“
Kate segist ekki hafa áttað sig á hversu mikið hún hafði þyngst fyrr en kærasti hennar, John, grátbað hana um að fá að taka jólamynd af henni og syni þeirra.
„Ég fór að hágráta þegar ég sá myndina. Ég átti erfitt með að trúa að þetta væri ég. Eftir að hafa grátið borðaði ég 3000 kaloríur til að láta mér líða betur, sem var kvöldmaturinn minn, súkkulaði, kex og allt sem ég gat sett upp í mig,“ segir Kate.
Eftir hátíðarhöldin byrjaði hún að fylgja Cambridge Weight Plan og hefur ekki litið til baka síðan.
„Ég hef alltaf prófað alls konar mataræði og farið margoft í megrun, en það var alltaf hægt að svindla. Ég þurfti eitthvað mun strangari. Cambridge Weight Plan hefur hjálpað mér að breyta lífsstíl mínum til hins betra. Ég hef auðveldlega misst 38 kíló þar sem ég er að borða hollar máltíðar sem eru líka góðar,“ segir hún.
„Myndin gerði mig ákveðna og gerði það að verkum að ég leyfði engum sætindum að snerta varir mínar.“
Kate segir að sjálfstraust hennar hefur aukist verulega og segist ekki ætla að fela sig fyrir myndavélinni þessi jólin.
