Fólk hefur komist að framhjáhaldi maka síns á margvíslega vegu. Eins og konan sem skoðaði matargagnrýni í Washington Post og komst að því að eiginmaðurinn væri henni ótrúr. Eða konan sem setti upp forrit í síma eiginmanns síns til að lesa skilaboðin hans.
Jane Slater, íþróttafréttamaður á NFL, kom upp um framhjáhald kærasta síns á lygilegan hátt. Eina sem hún þurfti að gera var að fylgjast með virkninni á FitBit úrinu hans. Hún segir frá þessu á Twitter.
Jane og þáverandi kærasti hennar stilltu FitBit heilsuúrin sín saman til að hvetja hvort annað, en hann hafði keypt slíkt úr handa henni síðustu jól. Úrið telur skref, fjarlægð, kaloríu brennslu, virkar mínútur í hreyfingu, hreyfingu hvers klukkutíma og svo framvegis.
Jane gat þá fylgst með hreyfingum kærasta síns þegar henni grunaði að allt væri ekki með felldu. Hún tók eftir því að skyndilega rauk virknistig hans upp um miðja nótt.
„Fyrrverandi kærasti gaf mér eitt sinn Fitbit úr í jólagjöf. Ég elskaði það. Við stilltum úrin okkar saman, hvöttum hvort annað…. ég hataði það ekki fyrr en hann var ekki kominn heim klukkan fjögur um nótt og virknistig hans var úr öllu veldi. Ég vildi óska þess að þessi saga væri ekki sönn,“ skrifar Jane á Twitter.
Færsla hennar hefur vakið mikla athygli og hafa yfir 470 þúsund manns líkað við það.
An Ex Boyfriend once got me a Fitbit for Christmas. I loved it. We synched up, motivated each other… didn’t hate it until he was unaccounted for at 4am and his physical activity levels were spiking on the app 🥴wish the story wasn’t real. https://t.co/npRkLJYYz0
— Jane Slater (@SlaterNFL) December 5, 2019
