Gildir 13.–19. október
Hrútur
21. mars–19. apríl
Vinnan er að þvælast aðeins fyrir þér og hún er að spilla fyrir samböndum í einkalífinu. Það er eitthvað mikið í gangi í vinnunni hjá þér og þú þarft að hafa þig alla/n við til að lægja öldurnar. Sem betur fer er þér margt til lista lagt og þú nærð að finna þetta jafnvægi á milli vinnu og einkalífs sem svo margir þrá.
Naut
20. apríl–20. maí
Nú þarftu virkilega að fara að huga að heilsunni sem hefur setið á hakanum alltof lengi. Þú mátt ekki fresta því endalaust að fara til læknis þegar eitthvað amar að og þú verður að fara að horfast í augu við að þú ert að setja alls konar drasl í líkamann á þér sem á ekki heima þar. Taktu þig nú taki, í eitt skipti fyrir öll!
Tvíburar
21. maí–21. júní
Þú ert eitthvað voðalega einmana um þessar mundir. Þú ert nýbúin/n að standa á tímamótum og þér finnst þú hafa dregið stutta stráið, þó þú hafir haldið að lengra stráið væri þitt. Þetta er óþægileg tilfinning en ýtir þér í þá átt að huga að andlegri heilsu og hvernig þú horfir á þig sjálfa/n og þá sem eru í kringum þig.
Krabbi
22. júní–22. júlí
Þú getur ekki þóknast öllum, alltaf. Þessa lexíu lærir þú með hvelli í byrjun vikunnar þegar það kemur svo sannarlega í bakið á þér að hafa sagt já og amen við öllu og farið í kollhnísa og heljarstökk til að gleðja ástvini þína. Þeir nefnilega elska þig eins og þú ert og þú þarft ekki alltaf að geðjast öllum.
Ljón
23. júlí–22. ágúst
Þér finnst þú svikin/n á einhvern hátt. Þú ert mjög trygglynd/ur og trú/r en þér finnst einhver hafa stigið aðeins of langt yfir þín mörk. Það er vont og það verður erfitt að byggja aftur það traust sem hefur tapast, ef það tekst þá einhvern tímann fyllilega. Þú ert ekki auðsæranleg/ur en nú langar þig mest að grafa þig undir sæng með lítra af ís og karamellusósu.
Meyja
23. ágúst–22 .sept.
Þú hefur unnið að því statt og stöðugt að koma fjárhagnum í lag og þegar sér loksins fyrir endann á því þá ertu ófús að taka einhverjar fjárhagslegar áhættur. Þig langar það samt mikið. Þig langar að hoppa í djúpu laugina og athuga hvort þú sekkur eða flýtur. Hins vegar gæti það endað með ósköpum.
Vog
23. sept.–22. okt.
Þú ert í engu skapi fyrir árekstra. Þú vilt bara hafa birtu, frið og ást í kringum þig og það er það sem þú einbeitir þér að því að ná. Bráðum þarftu að spyrna við fótum vegna einhverra ákvarðana eða áætlana heima fyrir eða meðal fjölskyldumeðlima. Ekki hræðast það og gerðu það af festu og röggsemi, eins og þín er von og vísa.
Sporðdreki
23. okt.–21. nóv.
Þessi vika einkennist af fókus inn á við hjá sporðdrekanum. Margir reyna að draga þig út í alls kyns samkomur og mannfögnuði en þú segir bara nei. Þú þarft tíma með sjálfri/sjálfum þér og þú þarft ekkert að skammast þín fyrir það. Viti menn, þínir nánustu munu njóta góðs af þessari sjálfsrækt og auðvitað þú líka.
Bogmaður
22. nóv.–21. des.
Þú upplifir höfnun frá manneskju sem þú hefur lagt þig í líma við að kynnast undanfarið. Þessi manneskja tilheyrir ekki vinahóp þínum og hún er ekki á vinnustaðnum. Hún tengist einhverju áhugamáli eða dægrastyttingu eftir vinnu. Þessi manneskja hefur hins vegar ekki áhuga á að tengjast þér og það særir þig.
Steingeit
22. des.–19. janúar
Þú ert á þvílíkt hraðri leið upp metorðastigann og þú átt stöðuhækkun í vændum. Það þýðir auðvitað meira kaup en þú skalt passa þig á að gera kröfur á fríðindi og laun sem þú telur þig eiga skilið. Ekki sætta þig við eitthvað minna því þú veist nákvæmlega hvers virði þú ert. Og þú veist líka að þetta er hörkuvinna!
Vatnsberi
20. janúar–18. febrúar
Það er eitthvað að gerast á bak við tjöldin í vinnunni sem þú veist ekkert um. En þessir hlutir eiga eftir að snerta þig, og ekki á góðan máta. Það er líkt og það sé komið aftan að þér og um tíma langar þig bara að gefast upp og fara að gera eitthvað allt annað. En vertu þolinmóð/ur – þinn tími mun koma.
Fiskar
19. febrúar–20. mars
Nú þarft athyglisgáfan þín að vera í lagi. Einhver sem þú hefur nýverið kynnst er að reyna að spila með þig – og þessi manneskja er ansi góð í því! Hún er að reyna að láta þig gera eitthvað sem þér líst alls ekkert á. Þú verður að hlusta á eigið innsæi í þessu máli og ekki láta þrá í ævintýramennsku hlaupa með þig í gönur.
13. október – Kári Árnason knattspyrnukappi, 37 ára
14. október – Davíð Stefánsson skáld, 46 ára
15. október – Bergljót Arnalds, leikkona og rithöfundur, 51 árs
16. október – Jóhanna Guðrún Jónsdóttir söngkona, 29 ára
17. október – Snorri Steinn Guðjónsson handboltahetja, 38 ára
18. október – Friðrik Sophusson, stjórnarformaður Íslandsbanka, 76 ára
19. október – Guðrún Ögmundsdóttir baráttukona, 69 ára
