fbpx
Fimmtudagur 13.mars 2025

Instagram-par harðlega gagnrýnt fyrir að birta þessa mynd: „Þið þurfið að tala við sálfræðing“

Ritstjórn Bleikt
Þriðjudaginn 10. september 2019 11:30

Kody og Kelly.

Ekki missa af Helstu tíðindum dagsins í pósthólfið þitt

Lesa nánar

Bandarísku ferðabloggararnir og parið Kelly Castille, 33 ára, og Kody Workman, 32 ára, hafa verið harðlega gagnrýnd og sögð vera lífshættulega athyglissjúk. Þau halda úti Instagram-síðunni @positravelty og deildu mynd af sér fyrir ofan Humantay Lagoon í Perú. Þau hvöttu rúmlega 160 þúsund fylgjendur sína að „taka áhættu“ og „brjótast í gegnum neikvæðni“ í lífi sínu.

https://www.instagram.com/p/B1tnuT9BUOz/

„Heimurinn er að bíða eftir þér! Á bak við alla þá sem vilja að þú lifir hljóðlátu og rólegu lífi er opinn strigi. Við hvetjum þig til að taka áhættu, að brjótast í gegnum neikvæðni og kúgun sjálfsfullnægingar og mála myndina af þeirri manneskju sem þú vilt verða. Aldrei leyfa þeim sem eru of hræddir að lifa sínu lífi að brjóta þig niður fyrir að lifa lífinu. Það er munur á því að hætta lífi þínu og að taka áhættu að eiga líf. Við vitum hvor megin við viljum vera, veist þú það?“ Skrifuðu þau með myndinni.

https://www.instagram.com/p/B2CN0LVBoEU/

Myndin vakti vægast sagt hörð viðbrögð. Hér eru nokkur ummæli við myndina.

„Hugrekki? Hugrekki er að fara og berjast í stríði. Ekki þetta. Hvað ef hún hefði runnið til og dáið? Myndir þú kalla hana áfram hugrakka? Hugsaðu um hvað þið eruð að reyna að hafa áhrif á hérna,“ skrifaði einn netverji.

„Þetta snýst um að fá athygli. Þetta gefur okkur engar upplýsingar um landið sem þau eru að ferðast um. Alvöru ferðabloggari/Instagram-síða er um staðinn, ekki manneskjuna. Verið hreinskilin,“ skrifaði annar.

Einn bætti við: „Þetta er svo heimskulegt hvað þið eruð að gera til að fá athygli. Þetta er heimska aldamótakynslóðarinnar.“

„Þið þurfið að tala við sálfræðing, þið eigið við vandamál að stríða. Fólk deyr við að taka heimskulegar sjálfsmyndir.“

„Að auglýsa heimsku með því að pakka henni inn í fallegar umbúðir,“ skrifaði annar.

https://www.instagram.com/p/Bza8g8NhGLx/

Fjöldi fólks kom parinu til varnar. „Hverjum er ekki sama að þau vilja taka svona myndir. Þau eru ekki börn, þau geta tekið sínar eigin ákvarðanir,“ skrifaði einn fylgjandi parsins.

„Ég myndi ekki vilja gera þetta sjálf en það er engin ástæða til að gagnrýna þau,“ skrifaði ein kona þeim til varnar.

Þetta er ekki í fyrsta skipti sem parið hefur verið gagnrýnt fyrir að taka áhættusama mynd. Í apríl var parið kallað „heimskt“ fyrir að deila þessari mynd hér að neðan.

https://www.instagram.com/p/BvwamQAF0Lm/

Parið svaraði þeirri gagnrýni og sögðu að þau „fóru mjög varlega“ þegar þau voru að taka myndina.

„Það var ótrúlega gaman að taka þessa mynd. Kody var með mjög gott tak á mér. Við treystum hvort öðru,“ sagði Kelly.

Í síðasta mánuði var áhrifavaldur gagnrýndur fyrir að birta myndir af slysavettvangi.

Sjá einnig: Áhrifavaldur gagnrýndur fyrir myndbirtingu frá slysavettvangi: „Þetta er móðgun fyrir fólk sem lendir í slysum“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 9 klukkutímum

Arnar fer nánar út í viðbrögð Arons við óvæntri ákvörðun – „Mega vera í fýlu í 5 sekúndur“

Arnar fer nánar út í viðbrögð Arons við óvæntri ákvörðun – „Mega vera í fýlu í 5 sekúndur“
Fréttir
Fyrir 9 klukkutímum

Óvænt tilkynning kastar olíu á eldinn í innanbúðardeilum Sósíalista – „Held það sé einfaldlega kominn tími til að sýna smá auðmýkt“

Óvænt tilkynning kastar olíu á eldinn í innanbúðardeilum Sósíalista – „Held það sé einfaldlega kominn tími til að sýna smá auðmýkt“
433Sport
Fyrir 10 klukkutímum

Hefur fengið nóg og vill burt frá Real Madrid í sumar

Hefur fengið nóg og vill burt frá Real Madrid í sumar
Fréttir
Fyrir 10 klukkutímum

Leikarar í Borgarleikhúsinu fara í verkfall – Þetta eru dagarnir

Leikarar í Borgarleikhúsinu fara í verkfall – Þetta eru dagarnir
Fréttir
Fyrir 12 klukkutímum

Ásthildur Lóa tapaði vegna fyrningar

Ásthildur Lóa tapaði vegna fyrningar
433Sport
Fyrir 12 klukkutímum

Tottenham reynir að fá enska landsliðsmanninn frítt

Tottenham reynir að fá enska landsliðsmanninn frítt
Fréttir
Fyrir 13 klukkutímum

Sýður upp úr hjá Sósíalistum: Segist hafa upplifað útskúfun fyrir að segja sannleikann „um ofríki, andlegt ofbeldi og trúnaðarbrot Gunnars Smára“

Sýður upp úr hjá Sósíalistum: Segist hafa upplifað útskúfun fyrir að segja sannleikann „um ofríki, andlegt ofbeldi og trúnaðarbrot Gunnars Smára“
Fókus
Fyrir 13 klukkutímum

Fimm af glæsilegustu konum landsins velja Ungfrú Ísland 2025

Fimm af glæsilegustu konum landsins velja Ungfrú Ísland 2025

Tarot Spil

Veldu þér spil og sjáðu spádóm þinn.