Rapparinn Cardi B staðfesti á tónleikum um helgina í Memphis að hún hefði farið í fitusog eftir að hún eignaðist dóttur sína Kulture í desember á síðasta ári. Sagt er frá þessu á vef People.
„Ég er með fréttir fyrir ykkur,“ sagði hún við áhorfendur. „Ég hefði átt að aflýsa tónleikunum í dag. Ég ætti ekki að vera að skemmta því ef ég hreyfi mig of mikið eyðilegg ég árangur fitusogsins. En ég ætla samt að næla mér í fjandans peningapokann minn,“ sagði Cardi, sem hefur talað opinskátt um að hafa farið í brjóstaaðgerð.
„Ég lét laga á mér brjóstin. Mér líður vel en stundum líður mér ekki vel. Þegar að húðin er öll teygð. Já, dóttir mín eyðilagði mig. Hún gerði það,“ sagði hún í viðtali við Entertainment Tonight fyrir rétt um viku.
Þetta er hins vegar í fyrsta sinn sem Cardi talar um fitusog, en hún hefur gefið afar misvísandi upplýsingar um hvort hún hafi gengist undir aðgerð eður ei. Stuttu eftir að hún eignaðist Kulture sagði hún í myndbandi á Instagram að hún ætlaði hugsanlega að fara í fitusog.
„Mér finnst ég enn vera með hliðarspik. Það er ekki gaman. Ég er vön að hafa mjög stinnan maga,“ sagði Cardi þá. Nokkrum mánuðum seinna sýndi hún stæltan kviðinn í sögu sinni á Instagram og þverneitaði að hafa farið í fitusog.