Ariel Winter hefur opnað sig um nýlegt þyngdartap sitt. Modern Family leikkonan ræddi um málið í Instagram Story á þriðjudaginn.
Ariel, 21 árs, hefur grennst töluvert og í kjölfarið hafa fylgjendur og aðdáendur hennar ýmsar spurningar, eins og hvernig og af hverju hún grenntist.
Leikkonan segir að þyngdartapið tengist því ekkert að vilja vera grennri. Heldur vegna þess að hún skipti um þunglyndislyf.
„Í mörg ár var ég á þunglyndislyfjum sem ollu því að ég bætti á mig þyngd sem ég gat ekki misst sama hvað ég reyndi. Þetta var alltaf pirrandi því ég vildi geta komið mér í form og liðið eins og öll vinnan væri að skila sér, en mér leið aldrei þannig,“ sagði Ariel.
Í annarri færslu sagði Ariel að hún hefur verið hjá sálfræðingi í sex ár. Hún útskýrði að hún var á þessum þunglyndislyfjum í svona langan tíma því ferlið að hætta á þunglyndislyfjum er „mjög langt og erfitt.“
„Ég var ekki tilbúin að gera það aftur þannig ég bara samþykkti að líða „eh“ frekar en að reyna að finna eitthvað annað til að líða betur,“ segir Ariel.
En í fyrra fékk Ariel „nóg af því að líða eh“ og ákvað að leita að nýjum lyfjum.
„Þetta hafði ekkert með þyngd að gera. Mér tókst að finna frábæra samsetningu af lyfjum sem virkar fyrir mig.“
Um leið og hún breytti lyfjaskammtinum sínum þá sá hún árangur „um leið.“
„[Þetta] lét mig missa alla þyngdina sem ég gat ekki áður bara með því að gefa mér aftur brennslu.“
