Jennifer Lopez, 49 ára, og Alex Rodriguez, 43 ára, eru trúlofuð. Fyrrum hafnaboltakappinn fór á skeljarnar 9. mars síðastliðinn. Söngkonan hefur verið gift þrisvar sinnum áður, þeim Ojani Noa, Chris Judd og síðast Marc Anthony. Hún á tvíburana Max og Emme, 11 ára, með Marc. Jennifer var einnig trúlofuð Ben Affleck.
Sjáðu alla trúlofunarhringi J. Lo hér að neðan. E! Online tók fyrst saman.
J.Lo og Ojani giftust árið 1997 og skildu tæplega ári síðar. Ojani var þjónn áður en hann varð veitingamaður.
Söngkonan og fyrrum dansari hennar giftust 2001. Þau hættu saman tæplega ári síðar og skildu alveg í janúar 2003.
Jennifer Lopez og Ben Affleck byrjuðu saman 2002. Í nóvember sama ár fór leikarinn á skeljarnar. Þau ætluðu að giftast 14. september 2003 en fjórum dögum áður hætti Ben við. Hann sagði ástæðuna vera „óhóflega fjölmiðla athygli.“ Nokkrum mánuðum síðar hætti parið saman.
Söngvararnir giftu sig árið 2004 og hættu saman árið 2011. Þau skildu alveg 2014. Þau eiga saman tvíburana Max og Emmu, 11 ára.
Parið byrjaði saman í febrúar 2017. Þau trúlofuðu sig 9. mars síðastliðinn og deildu fréttunum á Instagram.
