Khloe Kardashian og Tristan Thompson eru hætt saman. Þau eiga eina dóttur saman, True Thompson, sem er tíu mánaða gömul. Ástæðan fyrir sambandslitunum ættu ekki að koma neinum á óvart, en Tristan var ótrúr Khloe. Hann hefur áður haldið fram hjá henni.
Sjá einnig: Framhjáhald skekur Kardashian-fjölskylduna – Tristan hótað lífláti og sagður hataðasti maður Bandaríkjanna
E! News staðfestir fréttirnar að stjörnuparið hefur slitið sambandi sínu. En stærstu fréttirnar eru ekki að Tristan hafi haldið fram hjá Khloe, heldur með hverri.
Samkvæmt Hollywood Unlocked hætti parið saman eftir að Khloe komst að því að Tristan og Jordyn Woods hafi sofið saman. Jordyn Woods er þekkt fyrir að vera besta vinkona Kylie Jenner og hefur lengi verið Kardashian-Jenner fjölskylduvinur.
Framhjáhaldið á að hafa átt sér stað síðustu helgi. Tristan og Jordyn, sem er 21 árs, hittust í partíi heima hjá honum í Los Angeles. Samkvæmt heimildarmönnum sem voru á staðnum voru þau mjög ástúðleg í garð hvors annars. Jordyn sat í kjöltu hans og var heima hjá honum til sjö um morguninn.
https://www.instagram.com/p/BuFEdkHhPBT/?utm_source=ig_embed
Khloe Kardashian og tvær bestu vinkonur hennar Malika og Larsa Pippen skrifuðu undir Instagram færsluna.
Kylie og Jordyn hafa verið bestu vinkonur í yfir áratug. Þær búa saman og gera nánast allt saman. Samkvæmt E! News er Kylie niðurbrotin yfir fréttunum. Heimildir E! News herma að öll fjölskyldan segir skilið við Jordyn, en það verði erfiðast fyrir Kylie en hún „var í afneitun í nokkra daga.“
Tristan sagði í færslu á Twitter að þetta væru „falskar fréttir,“ en hefur síðan þá eytt færslunni.
