Jare, sem er aðeins 5 ára, hefur rakað inn fylgjendum á Instagram eftir að myndir af henni voru birtar þar.

Hefur Jare verið kölluð „engill,“ „fallegasta barn í heimi,“ „dúkkuleg,“og „gullfalleg.“

https://www.instagram.com/p/BlcgidWnXDn/?taken-by=the_j3_sisters

Mofe Bamuyiwa brúðkaupsljósmyndari sem búsett er í Lagos í Nígeríu birti í síðustu viku myndir af Jare, en þær voru hluti af nýju verkefni hjá Bamuyiwa. Myndirnar hafa fengið tugþúsund „like“ og hundruðir athugasemda um útlit barnsins.

„Hún er of falleg fyrir þennan heim. OMG,“ skrifar einn á meðan annar skrifar, „Hún er gullfalleg lítil stúlka.“

Myndirnar minna á þá athygli sem myndir af hinni sex ára gömlu Thylane Blondeau vöktu. Hin franska Blondeau varð í kjölfarið, aðeins tíu ára gömul, yngsta fyrirsætan sem birst hefur í franska Vogue.

Jare er ekki fyrirsæta að atvinnu, en segist Bamuyiwa hafa hvatt móður hennar til að stofna Instagramsíðu fyrir hana og systur hennar, Jomi, sjö ára, og Joba, tíu ára, en systurnar þrjár hafa allar sterk og sérstök andlitseinkenni og sitja reglulega fyrir.

Þegar The Sun fjallaði um systurnar fyrir þremur dögum voru þær með 6 þúsund fylgjendur og fjórar myndir á Instagram, þegar þetta er skrifað eru þeir komnir í 72 þúsund og myndirnar orðnar ellefu talsins.

Aðspurð um þá athygli sem myndirnar hafa vakið svarar Bamuyiwa: „Ég vil bara að allir geti séð möguleika Jare.“

Þetta er myndin sem gerði Blondeau fræga þegar hún var aðeins sex ára, í dag er hún þekkt fyrirsæta og þakkar myndunum frá því hún var barnung fyrir að hún er í dag með 2,3 milljón fylgjenda á Instagram.

https://www.instagram.com/p/BhKkS92hHY4/?taken-by=thylaneblondeau

Anastasia Knyazeva var einnig sögð fallegasta barn í heimi þegar myndir af henni komu á Instagram. Hún hefur þegar leikið í auglýsingaherferðum fyrir þekkt rússnesk vörumerki eins og Chobi Kids og er með með 1,2 milljón fylgjenda á Instagram, sem fannst að “dúkkulegu útliti hennar.

Móðir hennar sér um Instagram síðu hennar og hefur birt reglulega myndir af dóttur sinni síðan í júlí árið 2015 þegar hún var aðeins fjögurra ára gömul.

https://www.instagram.com/p/BlYaLcklVj8/?utm_source=ig_embed