Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðu þar sem hún birtir reglulega pistla um hreyfingu, mataræði og fleira. Í þessum fjallar hún um að við erum öll mannleg, sama hvernig við lítum út.
Þú getur verið með kviðvöðva og líka magarúllur.
Þú getur verið með nafladellur en samt grjótharða miðju.
Nafladellur og magarúllur er ekki merki um að vera ekki ræktaður og fitt.
Appelsínuhúð þýðir ekki að þú rífir ekki í járn.
Bingóvængir þýða ekki að þú slafrir börgera alla daga.
Múffutoppur þýðir ekki að þú slátrir ekki froskahoppum.
Það er þreyttara en sumarveðrið í Reykjavík að elta allar yfirlýsingar vefgúrúanna um hvað sé ásættanlegt útlit til að vera álitinn í formi.
Að bera sig saman við fílteraða, fótósjoppaða óraunhæfa útgáfu sem instagrammarar kjósa að birta okkur í tvívídd.
Ein sjálfa af átjánþúsund í hárréttri lýsingu með ondúlerað hár og rétta skugga.
Sýnum frekar mannlega flóru í allri sinni dýrð.
Rúllur. Appó. Dellur. Dinglandi húð. Slitför.
Það er allt merki um að vera mannlegur.
Velkominn í hópinn, við erum sjö biljón.
Þú getur verið urlandi ræktaður og sportað öllu galleríinu.
Eða þú getur verið í yfirþyngd og ekki hakað í neitt box.
Um leið og við fögnum breyskleikanum og sættum okkur við hann getum við hætt að halda niðri í okkur andanum þegar við pósum í myndatökum.
Lifi magarúllur.
