Kaia Gerber hefur tilkynnt að hún er að hanna línu í samstarfi við engan annan en Karl Lagerfeld. Fyrirsætan kom fram í fyrsta sinn á tískusýningarpöllunum síðastliðið haust og vakti bæði athygli og aðdáun. Fatalína hennar mun koma í verslanir í september næstkomandi.
Hin 16 ára gamla Kaia hefur þegar komið fram í tveimur tískusýningum fyrir Chanel og opnaði hún þá fyrri, sem þykir mikill heiður fyrir tískusýningadömur.
„Þegar Karl sagði okkur fyrst frá þeirri hugmynd sinni að fara í samstarf með Kaia, vorum við mjög spennt vegna tækifærisins og kraftsins sem samstarf þeirra myndi hafa í för með sér,“ segir Pier Paolo Righi framkvæmdastjóri Karl Lagerfeld tískuhússins í yfirlýsingu.
„Við höfum unnið náið með Kaia síðustu mánuði í Los Angeles og í stúdíói okkar í París. Það var spennandi að sjá skýra sýn hennar, ástríðu og þátttöku og línan mun örugglega vera hvetjandi fyrir margar ungar konur.“
Tískulínan, sem mun innihalda auk fatnaðar, skartgripi, skó og sólgleraugu, mun blanda saman klassískum Parísarstíl Lagerfeld við vesturstrandarstíl Gerber. Kvöldfatnaðurinn mun vera í glæsilegum stíl, meðan kalifornískur stíll verður á hverdagsfatnaðinum.
Tískulínan verður sett á markað með viðburðum í Los Angeles, New York og París.
Talið er að Karl Lagerfeld sé með samstarfinu að reyna að líkja eftir góðum árangri af samstarfi Tommy Hilfiger við Gigi Hadid, sem er nú að skila sinni þriðju línu.
Kaia á ekki langt að sæka fegurðina, hæfileikana og áhugann á tískuheiminum, en móðir hennar Cindy Crawford, er ein af þekktustu og hæst launuðustu fyrirsætum allra tíma síðan hún kom fyrst fram á níunda áratugnum. Faðir Kaia er Rande Gerber viðskiptajöfur. Bróðir hennar, Presley, sem er 18 ára hefur einnig komið fram í auglýsingum og á tískusýningarpöllunum
Í fyrra sat öll fjölskyldan fyrir í auglýsingum fyrir Omega úrframleiðandann, en Crawford hefur verið andlit fyrirtækisins í yfir 20 ár.
