Fjölmiðla- og athafnakonan Oprah Winfrey svaraði spurningum aðdáenda sinna fyrr í þessari viku á Twitterreikningi O, The Oprah Magazine. Aðdáendur höfðu fjölmargar spurningar og ein þeirra var „Hvernig er fullkomið stefnumótskvöld (date night) hjá ykkur Steadman.“
Það stóð ekki á svari: „Uppáhalds stefnumótakvöldið mitt er þegar ég kem honum á óvart með því að elda handa honum svartar linsubaunir og kornbrauð.“ Það er ekki flóknara en það. Og Oprah heldur áfram: „Heyrðu elskan, það er allt sem þú þarft. Baunir, brauð. Komið. Fullkomið kvöld. Ég að elda og þetta er komið.“
„Honey, hush!“ ?Oprah described a typical date night with Stedman when she visited O Mag HQ last week: pic.twitter.com/t7eo5Y2Bz5
— O The Oprah Magazine (@O_Magazine) August 4, 2018
Oprah ætti að vita hvað hún er að tala um, en hún og Stedman Graham hafa verið í sambandi í yfir 30 ár, en þau hittumst fyrst á góðgerðarsamkomu í Chicago árið 1986. Í viðtali í People tímaritinu árið 1992 sagði Oprah að á sínum tíma hefðu ekki allir verið hrifnir af því að hún væri farin að „deita“ fráskilinn fyrrum háskólakörfuboltaleikmann. „Þeim fannst að fyrst að hann liti svona út þá annað hvort væri hann fífl eða honum vantaði eitthvað frá mér. Það er fullt af fólki sem vill keyra með þér í glæsibifreiðinni. En þú vilt einhvern sem vill hjálpa þér að ná strætó.“
En eins og sést þá hefur sambandið staðist þessar efasemdir og því ætti að vera óhætt að taka við sambandsráðum frá spjallþáttadrottningunni.
