Ellý hefur farið mikinn á samfélagsmiðlum þar sem hún auglýsir í óðaönn málverk sem hún er að mála til að greiða upp skuld sína við Arionbanka. Málverkum hennar hefur verið vel tekið og selst um leið og þau eru máluð, en skuldin er ekki að fullu greidd. Má skilja Ellý sem svo að hún sé að kikna undan álaginu. Vonandi mun húðflúrið með vængnum verða til að baráttuvilji Ellýjar hefji sig aftur til flugs.
„Vængbrotin verið hef og er enn, helvítis hamingjan yfirgaf mig en ég veit hún mig uppi leitar. Langar mest að fljúga úr aðstæðum burt daglega en það er ekki í boði vængjalaus, týnda vænginn minn vinstri fæ loksins á mig varanlega húðflúraðan næstu helgi ef lukka leyfir,“ segir Ellý á Instagramsíðu sinni þar sem hún póstar jafnframt mynd af flúrinu sem hún hyggst fá sér.
