Stórverslunarrisinn IKEA er þekkt fyrir að vera með einfaldar og stílhreinar vörur á lágu verði. Óhætt er að segja að flest heimili á Íslandi innihaldi að minnsta kosti eina vöru ef ekki fleiri frá versluninni enda nýtur búðin gríðarlegra vinsælda hér á landi.
Það eru þó margir sniðugir og kaupa sér eitthvað einfalt og ódýrt sem þeir breyta svo mismikið til þess að láta hlutina líta út fyrir að vera dýrari heldur en þeir raunverulega eru.
Sumir breyta hlutunum jafnvel í eitthvað allt annað heldur en upprunalegur tilgangur þeirra er.
Það er meira að segja orðið svo þekkt að fólk geri þetta út um allan heim að fundið var upp nafnið „Ikea hacks“ eða „Ikea lausnir“.
Bleikt ákvað að leita uppi nokkrar bráðsniðugar hugmyndir frá fólki sem hefur uppfært Ikea dótið sitt:
Litlum stiga/kolli breytt í barnaeldhús
Eldhúseyju breytt með filmu, málningu og handklæðaslá
Einfalt ljós spreyjað með brons
Koju breytt og bætt við hana góðu geymsluplássi og rennibraut
Einfaldri hillu breytt í fallegt borð
Rekka breytt á einfaldan hátt fyrir snyrtidót
Ódýrri kommóðu breytt í virkilega fallegt skrifborð
Kallax hillueiningu breytt í eldhúseyju
Billy bókaskáp breytt í eldhúseyju
Járnstöng með segli fyrir hnífa breytt í geymslu fyrir bíla í barnaherbergið
Einföldu eldhúsborði breytt í mjög veglegt stofuborð
Pokageymslurnar ódýru má einnig nýta fyrir gjafapappírinn
