Móðir ungrar stúlku skrifaði á dögunum varúðarpóst fyrir foreldra sem hefur nú gengið manna á milli. Foreldrar stúlkunnar enduðu með hana á spítala eftir að hafa keypt það sem þau töldu vera saklaust förðunarsett fyrir hana.

Ég skrifa þetta bréf vegna þess að mér finnst mikilvægt að minna foreldra á að fara varlega með þá hluti sem við leyfum börnunum okkar að leika sér með,

skrifar Tony Kyle Cravens í færslu á Facebook.

Þessi reynsla hefur opnað augu okkar fyrir því að skoða efnisinnihald í þeim barnavörum sem við kaupum hér eftir. Fyrir nokkrum dögum keyptum við förðunarsett handa Lydiu, við héldum að það væri án allra eiturefna og barnvænt þar sem við höfum keypt svona fyrir hana áður nema bara frá öðru fyrirtæki. Lydia eyddi deginum í að farða á sér augun og varirnar og á einungis 24 klukkutímum fór stúlkan okkar úr því að vera alveg heilbrigð í það að vera með bólgur blöðrur og ofnæmisviðbrögð út um allan líkama.

Lydia þurfti að leggjast inn á spítala og gat ekki borðað mat í nokkra daga.

Við þurftum að setja á hana kaldan bakstur og skipta á þrjátíu mínútna fresti af því að húðin á henni var brennandi heit.

Foreldrar Lydiu skrifuðu færsluna í þeirri von um að vara aðra foreldra við hættunum sem geta leynst víða.