Flest allir fullorðnir einstaklingar stunda kynlíf reglulega hvort sem það er með maka sínum eða einnar nætur gaman. Yfirleitt gengur athöfnin nokkuð vel fyrir sig en þó koma skipti þar sem gamnið getur snúist yfir í hrikalega vandræðalega stund sem fólk vill helst aldrei ræða aftur.
Bleikt hafði samband við nokkrar Íslenskar konur sem voru tilbúnar til þess að segja frá vandræðalegum atvikum sem þær hafa lent í á meðan á kynlífi stóð. Sögurnar eru ótrúlega skemmtilegar og vandræðalegar í senn. Við gefum konunum orðið:
°°
Ég endaði með manni heima eftir eitt djammið og i miðjum klíðum er ég ofan á honum og sný baki í hurðina. Labbar þá ekki mamma hans inn og fer að garga á hann hvaða stelpa þetta sé eiginlega og öskrar bara á hann. Mér hefur aldrei liðið jafn illa og þá!
°°
Ég mun ALDREI gleyma skelfingarsvipnum á átta ára stráknum mínum þegar hann labbaði inn í stofu um daginn með tárin í augunum og sagði „Pabbi, hvað ertu að gera við pjölluna hennar mömmu? Mamma, er allt í lagi? Er pabbi nokkuð vondur við þig?“ Ég hugsaði alltaf með mér að barnið mitt myndi sko ALDREI labba inn á okkur, þannig ég hef aldrei hugsað um hvað ég myndi segja ef það gerðist. Ég veit ekki enn þá hvað ég á að segja honum!
°°
Ég var niðri á kallinum þegar eldri sonur minn labbar inn. Ég þurfti að henda mér á fætur og með hann inn í herbergi án þess að snerta hann því hendurnar mínar voru…mengaðar… Ég kyssti hann ekki góða nótt þetta kvöld.
°°
Ég var einu sinni á djamminu fyrir mörgum árum. Ég var með mjög stutt hár og langaði að vera svaka pæja þetta kvöld og ákvað því að vera með hárkollu. Allavega, þegar ég var orðin vel drukkin endaði ég inn á klósetti með manni. Í öllum hamaganginum rífur hann í hárið á mér og ég gleymi sennilega aldrei svipnum a manninum. Standandi út á gólfi með buxurnar á hælunum og HÁRIÐ mitt í hendinni!
°°
Ég átti einu sinni kærasta og var í heimsókn heima hjá honum og foreldrum hans. Við vorum ein heima þannig við ákváðum nú að nýta tækifærið, gamanið byrjar og vorum inni í herberginu hans, ég er ofan á og sný að hurðinni. Allt í einu opnast hurðin og var það ekki stjúppabbi hans sem ætlaði að koma til þess að tala við hann. Skelfingar svipurinn á pabbanum og kærastinn minn snappaði og öskraði á hann að fara út á meðan hann kastaði mér af sér. Ég held að greyið kallinn hafi séð allt! Hann skellti hurðinni aftur, við heyrum hratt fótatak upp stigann, útidyrahurðinni skellt og brunað í burtu á bílnum. Ég lá í hláturskasti á gólfinu og kærastinn mjög vandræðalegur. Svona voru fyrstu kynnin hjá mér og tengdapabbanum í þessu sambandi. Fjölskyldu kvöld maturinn þetta kvöldið var mjög vandræðalegur!
°°
Við ákváðum eitt skipti að gera það þrátt fyrir að ég væri með túrtappann í en við vorum of full til þess að pæla í því. Svo næsta dag var ég að velta því fyrir mér hvort ég hafði tekið túrtappann úr en nei hann var lengst upp í leginu, ég þurfti að að troða höndunum lengst inn til þess að ná í hann!
°°
Það var eitt skipti með einum fyrrverandi kærasta þar sem við vorum á fullu yfir allt rúmið og herbergið. Við vorum með slökkt ljósin upp á blygðunarkennd fröken feimni hérna. Við kveiktum svo ljósið eftir apaleikinn og fröken feimin leið næstum út af vegna blóðflæði upp í höfuð því hún hafði byrjað á túr þarna í miðjum klíðum, og rúmfötin voru sko ekki mjög hvít lengur.
°°
Við kveiktum einu sinni í rúminu okkar í miðjum klíðum! Við vorum með kertaljós aðeins of nálægt og rúmið endaði logandi! Þegar búið var að slökkva eldinn var líka búið að slökkva í okkur!
°°
Fleiri vandræðalegar kynlífssögur birtast á morgun.
