En svo áður en maður veit af, er þetta búið, bursta og skola og maður borgar og heldur brosandi út í daginn, með betra og bjartara bit og bros en fyrir tímann.
Mánudagsbit, eða Monday Bites, eins og þau heita á frummálinu eru myndbönd sem tannlæknastofa í Norður Karólínu í Bandaríkjunum birtir alla mánudaga á Facebooksíðu sinni. Í þeim „mæma“ starfsmenn hennar og viðskiptavinir við þekkt lög, viðskiptavinur í stólnum. Myndböndin eru virkilega skemmtileg og stemningin allt öðruvísi en maður á að venjast inni hjá tannlækninum.
Það er Tracy London Driver sem á heiðurinn af myndböndunum, en systir hennar Dr. Patricia London er eigandi stofunnar. Driver hefur unnið fyrir systur sína í meira en 20 ár og þegar Dr. London fól henni það verkefni að útbúa myndbönd varð Monday Bites til.
Driver hefur gert meira en 160 myndbönd og hún er í næstum öllum þeirra. Myndböndin hafa gert mikið fyrir stofuna og verið góð auglýsing, en þrátt fyrir að nafnið gefi það til kynna þá er ekkert þeirra tekið upp á mánudegi. Í myndbandinu hér fyrir neðan má sjá samansafn af því besta frá árinu 2017.
