„Þetta væri falleg stund,“ segir heimildarmaður við Us Weekly.
Þó að þetta hafi ekki fengist staðfest, þá er ljóst að ef að verður, er það undantekning frá reglunni þegar kemur að brúðkaupum konungsfjölskyldunnar í Bretlandi. Harry og Meghan eru að breyta til og setja sinn eigin svip á athöfnina, „þó að þau virði hefðir og skoðanir þeirra sem eldri eru, þá er þetta dagurinn þeirra og snýst um hvað þau vilja gera. Það verður örugglega eitthvað óvænt sem mun gerast. Ekki gera ráð fyrir hefðbundnu konunglegu brúðkaupi frá A til Ö. Þau vilja að vinir þeirra og fjölskylda taki eins mikinn þátt og hægt er.“
„Ást þeirra er nútímaleg og ég held að allir í Kensingtonhöll séu spenntir vegna þess.“
Harry hefur varið töluverðum tíma með móður Meghan og bað hana um hönd Meghan. „Hún er stórkostleg,“ sagði hann um tilvonandi tengdamóður sína í fyrsta viðtali hans með Meghan. Þar sagði hann einnig að hann hefði nokkrum sinnum talað við föður Meghan, en væri ekki búinn að hitta hann.
Faðir Meghan, Thomas Markle, hefur lýst yfir áhuga á að leiða dótturina að altarinu. Meghan var alin upp af báðum foreldrum hennar í Los Angeles, en þau skildu þegar hún var sex ára. Eftir skilnaðinn ólst hún hjá móður sinni.
