Á meðal mynda sem kepptu var mynd Ragnars Snorrasonar, Engir draugar eða No Ghosts og uppskar myndin tvenn verðlaun á hátíðinni.
Magnús Atli Magnússon fékk verðlaun fyrir kvikmyndatöku og Lísbet Freyja Ýmisdóttir var valin besta leikkonan. Verður það að teljast frábær árangur, því Lísbet Freyja er aðeins 10 ára og keppti við leikkonur bæði eldri að árum og reyndari í leiklistinni.
Rut 8 ára mætir með föður sínum í afmælisveislu. Hin börnin biðja hana um að vera með í feluleik. Rut fer hinsvegar í leit að látnum bróður sínum og uppgjör hennar og föður hennar við drauga fortíðar er óhjákvæmilegt.
Engir draugar er 16 mínútur að lengd og geta íslenskir áhorfendur séð myndina á RIFF sem fram fer í Reykjavík 28. september til 8. október næstkomandi. Myndin verður auk þess sýnd á fleiri kvikmyndahátíðum.
Ragnar er leikstjóri og handritshöfundur, Magnús Atli sér um kvikmyndatöku og framleiðendur eru Heiðar Már Björnsson og Egill Arnar Sigurþórsson. Auk Lísbetar Freyju fara Jóel Þór Jóhannsson, Sindri Birgisson og María Dalberg með hlutverk í myndinni.
Verðlaun á Canberra má sjá hér.
