Við ætlum að byrja á því að vara við því að í þessari færslu eru „spoilers“ fyrir þá örfáu einstaklinga sem hafa ekki séð Friends. En ef þú hefur ekki séð Friends, þá er kominn tími til!
Hver man ekki eftir óvæntu ástarævintýri Rachel Green og Joey Tribbiani sem fáir gátu spáð fyrir. Margir aðdáendur voru vonsviknir og sumir hafa gengið svo langt að segja að þetta hafi verið versta fléttan í Friends.
Rennum fljótlega yfir sögu Joey og Rachel. Joey játaði ást sína til Rachel meðan hún var ófrísk af barni Ross. Joey hafði þá verið hrifinn af henni í dágóðan tíma, en Rachel leið ekki eins. Seinna í þáttunum hins vegar byrjar hún að vera hrifin af honum og hann finnur út úr því í Barbados. Þau kyssast og ætla að reyna að láta sambandið virka. Það endaði hins vegar snögglega þar sem þeim tókst ekki að eiga kynferðislegt samband án vandræða, en þau voru allt of góðir vinir til að „taka sambandið á næsta stig.“ Það leið ekki að löngu þangað ástarævintýrið gleymdist, sagan hélt áfram og endaði með að Ross og Rachel tóku saman aftur eftir að hún hætti að fara til Parísar.
Við þessi sögulok voru flestir sáttir, enda var sambandið á milli Ross og Rachel búið að vera viðburðaríkt, spennandi, dramatískt og í gegnum allar seríurnar var alltaf sú spurning í loftinu hvort þau myndu enda saman eða ekki.
En það eru ekki allir á sama máli og hefur einn Twitter notandi fært ansi heillandi rök fyrir því að Rachel hefði átt að enda með Joey. Claire Willett, eða @kaneandgriffin, gerði það í hundrað tístum, sem hægt er að skoða hér fyrir neðan, en við ætlum að fara yfir nokkur aðalatriði rökfærslu hennar.
18/ We’re always told that Ross/Rachel was a „friends to lovers“ ship but WHAT IS THAT BASED ON??? WHAT FUCKING FRIENDSHIP??
— kaneandgriffin (@kaneandgriffin) August 8, 2017
48/ Hey does anyone remember who gives Rachel her first big break to get out of Central Perk and into the fashion industry? JOEY DID
— kaneandgriffin (@kaneandgriffin) August 8, 2017
Claire nefnir að vinátta Joey og Rachel var platónísk og Joey studdi alltaf vinkonu sína. Eins og þegar hann bauð henni að búa hjá sér þegar hún var ófrísk.
Hins vegar gat Ross ekki komist yfir það að Rachel væri með öðrum karlmanni. Þó svo að það væri bara vinur hennar eftir að sambandi þeirra lauk (munið þið ekki eftir Mark?). Að sögn Claire er það vegna þess að í huga Ross, var hún bara hans.
58/ AM I SUPPOSED TO THINK IT’S ROMANTIC THAT ROSS WENT BEHIND RACHEL’S BACK TO HER BOSS TO MAKE HIM TAKE HER BACK BECAUSE I FUCKING DON’T
— kaneandgriffin (@kaneandgriffin) August 8, 2017
77/ Rachel has been uptight all her life and Joey teaches her how to chill the fuck out. He brings out a sillier side of her.
— kaneandgriffin (@kaneandgriffin) August 8, 2017
Claire nefnir þar dæmi eins og þegar Ross kom með nestiskörfu í vinnuna til hennar og var sífellt að trufla hana. Eða þegar hann hvatti hana til að taka ekki frábæra vinnu í París.
