Jolene Nicole Jones var í vaxtarrækt. Hún æfði mikið og oft, fylgdi ströngu matarræði og átti lítið félagslíf. Hún áttaði sig á því að hún var ekki hamingjusöm og ákvað að gera eitthvað í því. Hún deildi færslu á Facebook ásamt mynd af sér þar sem hún sýnir þær líkamlegu breytingar sem hafa átt sér stað eftir að hún setti hamingjuna í fyrsta sæti. Hún segir frá ótrúlegum breytingum á líðan sinni í kjölfarið.
„Þetta er ekki þessi hefðbundna „fyrir og eftir“ mynd. Ég fór frá því að vera stjórnað af lýjandi ræktarplani, vigta kjúkling og að hafa prótein sjeika í veskinu mínu yfir í að njóta félagslífsins til fulls.
Sumir gætu sagt að þetta kallist að „sleppa sér“ en það er ekki hægt að setja verðmiða á hamingju. Ég kalla þetta að finna mig sjálfa og átta mig á því að ég hef meira en eina ástríðu í lífinu, hvort sem það er að fara í göngu í Glacier Park eða njóta þess að drekka bjór með vinum.
Six-pakk gerði mig ekki hamingjusama. Ég var aldrei nóg og fannst ég alltaf þurfa að bæta mig. Í dag fór ég á kajak með vinum og naut þess að borða mat sem gamla ég hefði slefað yfir en ekki þorað að snerta.
Líkaminn þinn er BÓKSTAFLEGA það eina sem kemur þér í gegnum þetta líf. Hvers virði þú ert og hamingjan þín fer ekki eftir því hversu miklu þú getur lyft eða hvað vigtin segir. Mitt virði fer eftir þeim sem ég umrkingi mig með og brosinu á andlitinu mínu.“
Hér má sjá upprunalegu færsluna:
