Slysin gera ekki boð á undan sér. Margar af frægustu stjörnum Hollywood hafa verið við dauðans dyr eftir alvarleg slys, veikindi eða sjálfsvígstilraunir. Hér eru dæmi um nokkrar þeirra.
Tracy Morgan lenti í hörðum sex bíla árekstri með þeim afleiðingum að bílstjóri hans lést. Grínistinn slasaðist alvarlega og dvaldi í einn mánuð á sjúkrahúsi í kjölfarið.
George Clooney bakbrotnaði við tökur á kvikmyndinni Syriana. Sársaukinn sem fylgdi slysinu fékk leikarann til að íhuga sjálfsvíg.
Joaquin Phoenix lenti í alvarlegu bílslysi árið 2006. Leikstjórinn Werner Herzog kom að slysinu og hjálpaði leikaranum út úr bílnum.
Anne Hathaway var nálægt því að drukkna þegar hún synti í sjónum við strendur Hawaii fyrr á þessu ári. Brimbrettakappa tókst að bjarga lífi leikkonunnar.
Litlu munaði að Kanye West léti lífið í bílslysi árið 2002. Rapparinn segir atvikið hafa breytt sér fyrir lífstíð.
Leikkonan Sharon Stone hefur tvisvar daðrað við dauðann. Árið 1990 slasaðist hún alvarlega á höfði sem varð til þess að hún varð að liggja í sex mánuði. Árið 2001 veiktist hún alvarlega þegar slagæðagúlpur í heila hennar sprakk. Leikkonan segist þá hafa séð „hvíta ljósið“.
Hjartaknúsarinn Johnny Depp lenti í óskemmtilegri lífsreynslu í flugvél árið 2011 þegar skyndilega drapst á vélinni í háloftunum. Flugmanninum tókst sem betur fer að koma vélinni af stað aftur.
Isla Fisher drukknaði næstum því við tökur á Now You See Me. Leikkonan var að taka upp áhættuatriði í vatni þegar hún festist í keðju undir yfirborðinu í þrjár mínútur. Viðstaddir voru yfir sig hrifnir af „leik“ hennar og gerðu sér ekki grein fyrir hættunni.
Orlando Bloom féll niður þrjár hæðir þegar hann var 21 árs með þeim afleiðingum að hann lamaðist um tíma.
Rachel Bilson lenti í alvarlegu bílslysi þegar hún var 14 ára. Leikkonan fékk bílrúðuna nánast í gegnum höfuðið og segist sjálf hafa dáið um stund.
Eminem tók of stóran skammt af dópi árið 2005. Læknar trúðu varla að hann hefði lifað skammtinn af.
Isla Fisher drukknaði næstum því við tökur á Now You See Me. Leikkonan var að taka upp áhættuatriði í vatni þegar hún festist í keðju undir yfirborðinu í þrjár mínútur. Viðstaddir voru yfir sig hrifnir af „leik“ hennar og gerðu sér ekki grein fyrir hættunni.
Orlando Bloom féll niður þrjár hæðir þegar hann var 21 árs með þeim afleiðingum að hann lamaðist um tíma.
Eminem tók of stóran skammt af dópi árið 2005. Læknar trúðu varla að hann hefði lifað skammtinn af.
Hugh Hefner segist næstum því hafa kafnað á hjálpartæki ástarlífsins þegar hann var að leika sér í rúminu með sex Playboy-fyrirsætum.
Gerard Butler drukknaði næstum því árið 2011 þegar hann var við tökur á Of Men and Mavericks.
Charlize Theron hálsbrotnaði við tökur á Æon Flux þegar hún var að reyna fara í flikk flakk. Tökum var frestað um átta vikur fyrir vikið.
Fallhlíf leikarans Ryans Reynolds opnaðist ekki þegar hann var 17 ára í fallhlífarstökki. Sem betur fer opnaðist varahlífin og leikarinn komst niður á jörðu heill á húfi. Hann hefur ekki stokkið síðan.
Paris Jackson reyndi að fyrirfara sér 2013 þegar hún gleypti mikið magn af pillum og skar sig á púls.
Diane Kruger var næstum kyrkt af engum öðrum en Quentin Tarantino við tökur á Inglorious Basterds. Tarantino vildi hafa atriðið sem raunverulegast en hlutirnir fóru úr böndunum með alvarlegum afleiðingum.
Owen Wilson reyndi að svipta sig lífi árið 2007.
Mark Wahlberg átti pantað flugsæti í American Airlines 11 þann 11. september 2001 en hætti við á síðustu stundu. Vélinni var síðar flogið á World Trade Center með þekktum afleiðingum. Leikarinn fær enn þann dag í dag martraðir um flugið.
Sylvester Stallone hálsbrotnaði við tökur á The Expendables og er núna með stálplötur í hálsinum.
Birtist fyrst á DV.is
