Leikkonan Kristen Bell á tvær dætur og er dugleg að deila góðum ráðum á Instagram tengdum uppeldi. Á dögunum birti hún mynd af dætrum sínum þar sem þær hafa báðar lagt hönd á bensínlokið. Kristen segir að alltaf þegar stelpurnar hennar fara út úr bílnum segi hún „Hendur á hringinn“ ef hún þarf að ná í matvörur eða eitthvað annað í skottið. Stelpurnar bíða þá þolinmóðar með hönd á bensínlokinu og hún getur verið örugg að þær fari ekki frá bílnum eða nálægt umferðinni.
Foreldrar um allan heim hafa prófað þetta síðustu daga og hafa margir þeirra skrifað henni skilaboð og athugasemdir á Instagram til að þakka fyrir. Einhverjir sögðust líka hafa notað þetta á árum áður með sín börn en allir virtust sammála um eitt, að þetta ráð virki.
