Á sunnudaginn lenti litla frænka Britney Spears í hræðilegu slysi og liggur þungt haldin á sjúkrahúsi. Britney birti mynd af henni á Instagram í dag og bað aðdáendur sína um að biðja fyrir frænku sinni. Maddie er átta ára dóttir Jamie Lynn Spears, yngri systur poppstjörnunnar. Slysið varð þegar Maddie var á litlu fjórhjóli á fjölskyldulandareign en hún beigði snögglega með þeim afleiðingum að hún endaði ofan í stórri tjörn þar sem erfitt reyndist að ná henni upp aftur.
https://www.instagram.com/p/BQL8DIzAaln/?taken-by=britneyspears
Móðir Maddie og stjúpfaðir voru viðstödd og stukku strax í vatnið ásamt fleiri fjölskyldumeðlimum til þess að bjarga Maddie litlu. Samkvæmt tímaritinu People var hún föst í öryggisbelti og öryggisneti undir fjórhjólinu svo þau náðu ekki að koma henni upp úr vatninu. Sjúkrabíll kom mjög fljótt á staðinn og náðist þá að losa stúlkuna og flytja hana á sjúkrahús. Talið er að Maddie hafi verið í einhverjar mínútur án súrefnis. Stjúpfaðir Maddi birti þessa mynd af „tjörninni“ á Instagram en þar sést vel hvað þetta er stórt vatn.
https://www.instagram.com/p/BQJE0HBg2ZT/?taken-by=jamiewatson985
Maddie liggur nú þungt haldin á sjúkrahúsi en líðan hennar er stöðug eins og er. Britney flaug strax til Louisiana til þess að vera með fjölskyldu sinni á þessum erfiða tíma.
