„Kynjalöggur er svona fólk sem skiptir sér af því hvaða fólk er inn á klósettinu og heldur að það sé svaka
harðkjarna að benda manneskju á að hún sé nú örugglega ekki á réttu klósetti því þeim finnst hún vera of karlmannleg eða kvenleg.“ Þetta segir Ugla Stefanía Kristjönudóttir Jónsdóttir í pisti sem birtist á Vísi í dag.
Í pistlinum fjallar Ugla um hversu þreytandi það er fyrir trans fólk að færa rök fyrir mikilvægi þess að kynlaus klósett standi til boða á almennum stöðum, og að nemendur í Háskóla Íslands fái að nota sitt réttafn innan háskólakerfisins, burtséð frá því hvaða nafn kunni að standa í Þjóðskrá.
Ugla segir að stundum líði sér eins og eldri konunni með skiltið sem stendur á: „I don’t believe I still have to protest this shit“, en mynd af henni hefur varið viða um samfélagsmiðla að undanförnu.
Ugla bendir líka á að trans fólk verði gjarnan fyrir áreiti á almenningsklósettum, og tryggja þurfi öryggi þess innan háskólans.
Um val á klósetti segir Ugla:
„Ég held að við séum öll fullfær um að velja það klósett sem hentar okkur. Kannski við ættum að hætta þessari þrálátu kynjaskiptingu og skipta þeim frekar upp í klósett þar sem fólk fær að pissa í friði og klósett þar sem fólk getur áreitt hvort annað?“
Varðandi notkun á réttu nafni í skólakerfinu útskýrir Ugla hvernig það getur verið kvíðavaldandi og óþægilegt að þurfa í sífellu að útskýra hvers vegna nafnið passar ekki við hið sýnilega kyn. „… vegna þess að lagalega nafnið þitt er ekki lengur það nafn sem þú notar. Hvað þá um þá martröð að vera sett í hópavinnu sem var alveg nógu slæm fyrir? „Hæ krakkar, já sko ég heiti enn lagalega Valur en heiti núna Ugla. Eruði ekki annars öll hress?““
