Victoria „Viki“ Odintcova er 22 ára gömul fyrirsæta frá Rússlandi en hún hætti nýlega lífi sínu fyrir Instagram myndatöku. Hún danglaði fram af 300 metra hárri byggingu, Cayan turninum, í Dubai. Eins og sést í meðfylgjandi myndbandi er hún ekki með öryggisólar og hefur athæfið verið dæmt mjög kærulaust og hættulegt.
Netverjar hafa tjáð andúð sína á myndatökunni á samfélagsmiðlum og fólk á erfitt með að skilja af hverju hún var tilbúin að hætta lífi sínu vitandi að hún gæti auðveldlega hrasað, runnið, misst gripið og fallið til dauða síns. Svo virðist sem hvorki hún né aðstoðarmaður hennar voru í vírum eða með öryggisnet. Lögreglan í Dubai hafði afskipti af fyrirsætunni eftir atvikið og þurfti hún að skrifa undir pappíra og samþykkja að þetta myndi hún aldrei gera aftur.
Horfðu á myndbandið hér fyrir neðan, en það er ekki fyrir lofthrædda.
